26.07.2026 | 23:49
ՃՏՊ՝ հրդեհի բռնկմամբ․ կան զոհեր և տուժածներ
Պուտինի միջուկային սպառնալիքները պայմանավորված են հուսահատությամբ. Բորել
Քաղաքականություն
27.12.2022 | 17:39
Ռուսաստանի նախագահ Վլադիմիր Պուտինն ուկրաինական ձախողումների պատճառով հուսահատության պահերին միջուկային սպառնալիքներ է հնչեցծում։ Այս մասին PAP-ին տված հարցազրույցում ասել է ԵՄ արտաքին քաղաքականության և անվտանգության հարցերով գերագույն հանձնակատար Ժոզեպ Բորելը։
«Ակնհայտ է, որ նա, ով խախտում է ՄԱԿ-ի կանոնադրությունն ու միջազգային իրավունքը և հուսահատվում է, եթե գործերն այնպես չեն, ինչպես ինքն է ցանկանում, առանց տատանվելու սպառնում է օգտագործել այն ամենը, ինչ կա իր ահաբեկչության զինանոցում»,- ընդգծել է ԵՄ դիվանագիտության ղեկավարը։
Նրա խոսքով՝ Եվրամիությունը և միջազգային հանրության մեծ մասն «ակնհայտորեն մերժում են Ռուսաստանի անպատասխանատու միջուկային շանտաժը»։
«Եվ ես կարծում եմ, որ նրանք, ովքեր Մոսկվայում որոշում են միջուկային զենքի հնարավոր կիրառումը, լսել են դա»,- ասել է Բորելը։
Տաթև Ֆռանգյան
