20.11.2024 | 22:30
Սարգիս Բեգոյանը` ըմբշամարտի զինվորականների աշխարհի առաջնության արծաթե մեդալակիր
Ճապոնիայում երկու ամսում չորրորդ նախարարն է հրաժարական տվել
Քաղաքականություն
27.12.2022 | 23:13
Ճապոնիայի վերակառուցման նախարար Քենյա Ակիբան հրաժարական է տվել։ Դա տեղի է ունեցել սկանդալի ֆոնին, որը բռնկվել է նրա կողմից թույլ տրված ենթադրյալ ֆինանսական խախտումների շուրջ, գրում է EADaily-ն։
Ակիբան կասկածվում է 2011-2020 թվականներին գրասենյակի վարձակալության համար իր կնոջը և մորը շուրջ 14 միլիոն իեն (մոտ 105,000 դոլար) վճարելու մեջ: Սակայն եկամուտները չեն հայտարարագրվել։ Նա նաև կասկածվում է 2021 թվականի հոկտեմբերին խորհրդարանի Ստորին պալատի ընտրություններից առաջ նախընտրական քարոզարշավի ընթացքում օրենքը խախտելու մեջ, երբ, իբր, վճարել է շուրջ 200 հազար իեն (մոտ 1,4 հազար դոլար) իր քարտուղարներին, որոնց աշխատանքի համար վճարում է պետությունը։
Ակիբայի փոխարեն Հիրոմիչի Վատանաբեն, որը նախկինում ղեկավարում էր այս վարչությունը, հավակնում է դառնալ վերակառուցման նախարար։
Հաղորդվում է, որ Ակիբայի հրաժարականի որոշումը կապված է հաջորդ տարվա հունվարին հաջորդ նստաշրջանի գումարումից հետո խորհրդարանի բնականոն գործունեությունն ապահովելու՝ Կառավարության մտադրության հետ։
Տաթև Ֆռանգյան
