16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
ԱՊՀ երկրների ղեկավարներին Ամանորի առիթով մատանիներ են նվիրել Պետերբուրգի գագաթնաժողովից հետո
Քաղաքականություն
27.12.2022 | 13:18
Անկախ պետությունների համագործակցության (ԱՊՀ) անդամ երկրների ղեկավարները, որոնք Սանկտ Պետերբուրգում են՝ նախօրերի ոչ պաշտոնական գագաթնաժողովին մասնակցելու, Ամանորի առիթով շնորհավորանքով «ակումբային մատանիներ» են նվեր ստացել, գրում է Gazeta-ն։
Լրագրողներին հետաքրքրել է Բելառուսի նախագահ Ալեքսանդր Լուկաշենկոյի ձեռքի արտասովոր մատանին։ Նրանք պարզել են, որ «Շնորհավոր Ամանոր» մակագրությամբ նույն մատանիները ստացել են գագաթնաժողովին ներկա ԱՊՀ երկրների բոլոր ղեկավարները։
Մատանիների վրա փորագրված է նաև 2023 թվական, ինչպես նաև գագաթնաժողովի անցկացման վայրը՝ Սանկտ Պետերբուրգ։
Հավելենք, որ ԱՊՀ երկրների ղեկավարների ոչ պաշտոնական գագաթնաժողովը տեղի է ունեցել նախօրեին։ Գագաթնաժողովին մասնակցել է նաև ՀՀ վարչապետ Նիկոլ Փաշինյանը։
Էմմա Չոբանյան
