16.09.2026 | 14:06
Տերը, ձեր պատկերացմամբ, Ռուսաստանն է, դրա համար եք ասում՝ անտեր կմնանք․ Մինասյանը՝ Ֆարմանյանին․ ՏԵՍԱՆՅՈՒԹ
Ստոլտենբերգը հայտարարել է, որ Շվեդիան և Ֆինլանդիան 2023թ․ կդառնան ՆԱՏՕ-ի անդամ
Քաղաքականություն
27.12.2022 | 14:33
ՆԱՏՕ-ի գլխավոր քարտուղար Յենս Ստոլտենբերգը հայտարարել է, որ ակնկալում է՝ Շվեդիայի և Ֆինլանդիայի անդամակցության գործընթացը ռազմական դաշինքին նոր տարում վերջնականապես կավարտվի, գրում է The National news-ը։
Ստոլտենբերգը չի նշել երկու երկրների՝ ՆԱՏՕ-ին միանալու ակնկալվող ժամկետը, սակայն գերմանական DPA լրատվական գործակալությանն ասել է, որ «միանգամայն վստահ է», որ դա տեղի կունենա շուտով:
Շվեդիայի և Ֆինլանդիայի՝ ՆԱՏՕ-ին անդամակցության դիմումները վերջնականապես չեն հաստատվում Թուրքիայի առարկությունների պատճառով, որը չի շտապում դրանք վավերացնել։ Թուրքիայի ԱԳ նախարար Մևլութ Չավուշօղլուն նախորդ շաբաթ հայտարարել էր, որ Անկարայի կողմից հետախուզվողի արտահանձնման արգելափակումը վատթարացրել է Շվեդիայի հետ բանակցությունների մթնոլորտը։
Թուրքիան անդամակցության դիմումները վավերացնելու համար պահանջում է արտահանձնել «քուրդ ահաբեկիչներին»։
Ի դեպ, ՆԱՏՕ-ի անդամ Հունգարիան ևս դեռևս չի վավերացրել Սկանդինավյան երկրների հայտերը՝ միաժամանակ նշելով, որ առարկություն չունի։
Էմմա Չոբանյան
