21.02.2026 | 20:00
Ինչպես է Հայաստանն առաջին անգամ ստացել UWW-ի մրցաշար անցկացնելու հնարավորություն․ զրույց Վլադիմիր Հովհաննիսյանի հետ
9 միլիոն ուկրաինացի մնացել է առանց էլեկտրականության. Զելենսկի
Քաղաքականություն
27.12.2022 | 14:08
Ուկրաինայի նախագահ Վլադիմիր Զելենսկին հայտարարել է, որ երկիրը դեռևս էլեկտրաէներգիայի պակաս է զգում՝ գրեթե 9 միլիոն մարդ մնում է առանց էլեկտրամատակարարման, գրում է VOA-ն։
«Իհարկե, դեֆիցիտը պահպանվում է։ Անջատումները շարունակվում են։ Այսօր երեկոյան Ուկրաինայի տարբեր շրջաններում շուրջ 9 մլն մարդ առանց էլեկտրամատակարարման են մնում։ Բայց անջատումների թիվն ու տևողությունն աստիճանաբար նվազում է։ Շնորհակալություն բոլորին և յուրաքանչյուրին, ովքեր ապահովում են այս արդյունքը»,- ասել է նա երեկոյան ուղերձում։
Ըստ Զելենսկիի՝ Ուկրաինան պատրաստվում է հաջորդ տարուն և ոչ միայն ձմեռային ամիսներին։ «Կան սպառնալիքներ, որոնք պետք է չեզոքացվեն։ Կան քայլեր, որոնք պետք է ձեռնարկվեն։ Եվ պետությունը դրանք անպայման կանի»,-հավելել է նա։
Տաթև Ֆռանգյան
