27.02.2026 | 01:53
«Նոան» խոշոր հաշվով պարտվեց «ԱԶ Ալկմարին» ու դուրս մնաց Կոնֆերենցիաների լիգայից․ ՏԵՍԱՆՅՈՒԹ
Պեկինը ռազմական ինքնաթիռներ և նավեր է ուղարկել Թայվան՝ ուժ ցուցադրելու համար
Քաղաքականություն
26.12.2022 | 21:13
Վերջին 24 ժամվա ընթացքում Չինաստանի զինվորականները 7 ինքնաթիռ և յոթ նավ են ուղարկել Թայվան՝ ուժի ցուցադրման նպատակով։ Այս մասին գրում է «Ամերիկայի ձայն»-ը՝ հղում անելով Associated Press գործակալությանը։
Թայվանի պաշտպանության նախարարությունը երկուշաբթի օրը հայտարարություն արեց այն բանից հետո, երբ Չինաստանը դժգոհություն հայտնեց Կոնգրեսի կողմից վերջերս ընդունված պաշտպանական ծախսերի օրինագծում Թայվանի վերաբերյալ դրույթների կապակցությամբ:
Հիշեցնենք, որ օրինագիծը թույլ է տալիս ընդլայնել համագործակցությունը Թայվանի հետ անվտանգության ոլորտում, ինչպես նաև զարգացնել համագործակցությունը Հնդկաստանի հետ պաշտպանական նոր տեխնոլոգիաների ոլորտում։
Կիրակի առավոտից մինչև երկուշաբթի առավոտ ժամը 6-ը չինական 47 ինքնաթիռ հատել է Թայվանի նեղուցի ոչ պաշտոնական սահմանը, որը ժամանակին լռելյայն ճանաչել են երկու կողմերը, հաղորդում է Թայվանի ռազմական գերատեսչությունը:
Չինաստանի կողմից Թայվան ուղարկած ինքնաթիռների թվում են եղել 18 J-16 կործանիչ, 11 J-1 կործանիչ, 6 Սու-30 կործանիչ և անօդաչու թռչող սարքեր։
Թայվանն ասում է, որ վերահսկում է ՉԺՀ-ի զորքերի տեղաշարժը իր ցամաքային հրթիռային համակարգերով, ինչպես նաև ռազմանավերով:
