29.10.2026 | 23:25
Ջրագիծ է վնասվել. Գյումրիում ջրանջատում է
Վոլկովի տեղակալն ասաց` ձեր կյանքի համար պատասխանատու չենք. բանակցությունների 1-ին փուլն ավարտվեց․ ՏԵՍԱՆՅՈւԹ
Քաղաքականություն
26.12.2022 | 20:11
Այսօր առավոտյան Երևանի Հանրապետության հրապարակից մեկնարկել է մի խումբ ակտիվիստների նախաձեռնած ավտոերթը դեպի Ստեփանակերտ։ Նախաձեռնության հեղինակները դեռ մոտ 1 շաբաթ առաջ էին հայտարարել, որ մտադիր են արցախցի փոքրիներին ամանորյա նվերներ տանել։ Երթի մասնակիցներին Գորիսից միանալու են Լաչինի միջանցքի փակվելու հետևանքով ՀՀ-ում մնացած արցախցիներ։ Քաղաքացիները փորձել են ռուս խաղաղապահների հետ բանակցել և պահանջել ապահովել իրենց անվտանգ անցումը միջանցքով։
Արցախում տեղակայված ռուսական խաղաղապահ զորախմբի հրամանատար Անդրեյ Վոլկովի տեղակալն ասել է՝ ակտիվիստների կյանքի համար պատասխանատու չեն։
Հիշեցնենք՝ կեղծ բնապահպանական պատրվակներ ներկայացնելով՝ մի խումբ ադրբեջանցիներ Լաչինի միջանցքը փակ են պահում արդեն 2 շաբաթ։ Արցախը Հայաստանին կապող միակ ճանապարհի փակ լինելը հումանիտար խնդիրների պատճառ է դարձել․ Ստեփանակերտում նկատվում է սննդի, դեղորայքի, վառելիքի պակաս, ավելի քան 1000 արցախցիներ՝ այդ թվում երեխաներ, չեն կարողանում ՀՀ-ից վերադառնալ իրենց բնակավայրեր։
Մանրամասները՝ տեսանյութում։
