29.10.2026 | 23:25
Ջրագիծ է վնասվել. Գյումրիում ջրանջատում է
Բաքուն դժգոհություն է հայտնել ֆրանսիական լրատվամիջոցների կողմից Ստեփանակերտում կայացած ցույցը լուսաբանելու կապակցությամբ
Քաղաքականություն
26.12.2022 | 20:51
Ադրբեջանը բողոքել է ֆրանսիական լրատվամիջոցների կողմից նախօրեին Արցախում տեղի ունեցած բազմահազարանոց ցույցը լուսաբանելու համար։
Ադրբեջանական լրատվամիջոցների հաղորդմամբ՝ իշխանությունների կողմից հսկվող Մամուլի խորհուրդը հայտարարություն է տարածել ֆրանսիական Le Figaro պարբերականի և Euronews ֆրանսիական ծառայության կողմից Ստեփանակերտի ցույցի լուսաբանման առնչությամբ։
Ադրբեջանցիները բողոքում են, որ, իբր, լուսաբանումն իրականացվել է կողմնակալ։
«Ցավով տեղեկացնում ենք, որ Le Figaro-ն և Euronews-ի ֆրանսիական ծառայությունը մարտահրավեր են նետել նրանց, որոնք ծառայում են երկպառակությանը և աշխատում են տարածաշրջանում խաղաղության օրակարգի դեմ, այլ ոչ թե Հարավային Կովկասում կայունության և խաղաղ գոյակցության ապահովմանն ուղղված ջանքերի օգտին: Լրագրողական արժեքների նման անտեսումն անթույլատրելի է և անընդունելի»,- ասվում է հայտարարության մեջ։
Բաքվին հատկապես դուր չի Le Figaro-ի՝ ֆրանսիացի ականավոր շուրջ 200 մտավորականների ու հայտնի գործիչների՝ Լաչինի միջանցքը բացելու կոչով հոդվածը։
Նշենք, որ նախօրեին Ստեփանակերտում տեղի ունեցած ցույցը լուսաբանել են նաև ֆրանսիական AFP-ն, France 24-ը, Լաչինի միջանցքի արգելափակմանն էլ անդրադարձել են համաշխարհային տարբեր լրատվամիջոցներ։
Էմմա Չոբանյան
