26.07.2026 | 23:49
ՃՏՊ՝ հրդեհի բռնկմամբ․ կան զոհեր և տուժածներ
Սիրիայում բախումների ժամանակ թուրքամետ խմբավորման 6 զինյալ է ոչնչացվել
Քաղաքականություն
26.12.2022 | 20:00
Սիրիայում թուրքամետ խմբավորման 6 սիրիացի զինյալ է զոհվել կառավարական զորքերի հետ բախումների ժամանակ, որոնք դեռևս մոլեգնում են Սիրիայի հյուսիս-արևմուտքում։ Այս մասին հաղորդում է Agence France-Presse-ը՝ վկայակոչելով ապստամբ ուժերին, փոխանցում է Turkish Minute-ը։
Թուրքամետ զինյալների հայտարարության մեջ ասվում է, որ 6-ը սպանվել է, ևս 3-ը՝ վիրավորվել կիրակի կեսգիշերից քրդական ուժերի աջակցությամբ կառավարական զորքերի կողմից թուրքական սահմանի մոտ գտնվող Աֆրին շրջանում սկսված հարձակման հետևանքով: Սպանված զինյալները «Ֆայլաք ալ-Շամ» ապստամբ խմբավորումների միության մարտիկներն են, որոնք մոտ են համարվում «Մուսուլման եղբայրներ» շարժման սիրիական ճյուղին։
Մեծ Բրիտանիայում տեղակայված Մարդու իրավունքների սիրիական դիտորդական խումբը նշում է, որ կառավարական զորքերը և քրդական ուժերը վերահսկողության տակ են վերցրել «Ֆայլաք ալ-Շամի» երկու դիրքերը ծանր զինատեսակների կիրառմամբ ինտենսիվ մարտերի ընթացքում: Այսօր առավոտյան մարտերը շարունակվել են։
Նման փոխհրաձգություններ պարբերաբար տեղի են ունենում սիրիական կառավարական ուժերի և թուրքամետ ապստամբների միջև, որոնք վերահսկում են Թուրքիայի հետ սահմանի հատվածը։
Էմմա Չոբանյան
