26.07.2026 | 23:49
ՃՏՊ՝ հրդեհի բռնկմամբ․ կան զոհեր և տուժածներ
«Բայրաքթար» անօդաչուներ արտադրող ընկերությունը իր գործունեությունն է սկսում Ադրբեջանում
Քաղաքականություն
26.12.2022 | 14:16
Ադրբեջանի Էկոնոմիկայի նախարարությանն առընթեր պետական հարկային ծառայությունը գրանցել է «Bayraktar Technology Azerbaijan» ՍՊԸ-ն, գրում են ադրբեջանական լրատվամիջոցները։
Նշվում է, որ նոր ընկերության կանոնադրական կապիտալը կազմում է 1,7 մլն մանաթ (1 մլն դոլար), իսկ ներկայացուցիչը թուրքական Baykar Makina ընկերության համակարգող Հուսեյն Թոփուզն է։
Ընկերությունը տեղակայված է Բաքվում, Նարիմանովի շրջանի Ահմեդ Ռաջաբլի փողոցում։
Հավելենք, որ Baykar Makina-ն ընկերությունը զբաղվում է «Բայրաքթար» անօդաչու թռչող սարքերի արտադրությամբ, ընկերության տեխնիկական գծով տնօրենը Թուրքիայի նախագահ Ռեջեփ Թայիփ Էրդողանի փեսա Սելջուկ Բայրաքթարն է։
Էմմա Չոբանյան
