17.08.2026 | 17:18
Ղարաբաղից տեղահանված առանձին ընտանիքների վարձավճարի համար ամսական մինչև 40 հազար դրամ աջակցություն է տրամադրվում
ՌԴ ՊՆ-ն պնդում է, որ Սարատովի ավիաբազայի մոտ ուկրաինական ԱԹՍ է խոցել
Քաղաքականություն
26.12.2022 | 12:00
Դեկտեմբերի 26-ի գիշերը ռուսական ՀՕՊ համակարգերը Սարատովի մարզի Էնգելս ռազմական ավիաբազային մոտենալիս խոցել են ուկրաինական անօդաչու թռչող սարք, հայտնում է ՌԴ ՊՆ-ից, գրում է Meduza-ն։ Գերատեսչության հաղորդմամբ՝ անօդաչուի բեկորների անկման հետևանքով մահացու վիրավորում է ստացել երեք զինծառայող։ Նշվում է, որ բազայի ինքնաթիռները չեն վնասվել։
Գիշերը սոցցանցերում տեղեկություններ էին տարածվել Էնգելսում հերթական պայթյունի մասին։ Օգտատերերը տեսանյութեր էին հրապարակել քաղաքից, որտեղ հնչում են ազդանշաններ։ Baza-ն հայտնել էր, որ պայթյունից հետո հրդեհ է բռնկվել 120 քմ տարածքում։ Թելեգրամ ալիքը գրել էր միջադեպի հետևանքով երեք զոհի և չորս վիրավորի մասին։
Հիշեցնենք, որ դեկտեմբերի 5-ին ռուսական կողմը հայտնել էր, որ անօդաչուների հարձակման են ենթարկվել Ռյազանի շրջանի Դյագլևո և Սարատովի մարզի Էնգելս ավիաբազաները։ Խոցվել էր երկու ինքնաթիռ, երեք զինծառայող զոհվել էր, ևս չորսը՝ վիրավորվել։
Էմմա Չոբանյան
