08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
ԱՄՆ-ում ձնաբուքը 1 օրում առնվազն 23 մարդու կյանք է խլել
Քաղաքականություն
25.12.2022 | 11:10
Առնվազն 23 մարդ է մահացել շաբաթ օրն ԱՄՆ-ում ձմեռային փոթորկի հետ կապված տարբեր միջադեպերի հետևանքով: Այս մասին հայտնել է NBC-ն, փոխանցում է ՌԻԱ Նովոստին:
Ջերմաստիճանի կտրուկ անկումը, ձյան տեղումները, ուժեղ քամին, ձնախառն անձրևը բազմաթիվ ավտովթարների, էլեկտրահաղորդման գծերի խզման, թռիչքների ուշացման պատճառ են դարձել։
«Առնվազն 23 մարդ է զոհվել եղանակի հետ կապված միջադեպերի հետևանքով: Մարդիկ զոհվել են Օքլահոմայում, Կենտուկիում, Միսսուրիում, Վիսքոնսինում, Կանզասում, Նեբրասկայում, Օհայոյում, Նյու Յորքում, Կոլորադոյում և Միչիգանում», – ասել է հեռուստաալիքը:
Օհայոյում չորս մարդ է մահացել ցածր տեսանելիության և ավտոճանապարհների մերկասառույցի պայմաններում հիսուն մեքենաների մասնակցությամբ վթարի հետևանքով։ Միչիգանում 82-ամյա կնոջը գտել են փողոցում սառած վիճակում։
Շաբաթ օրը չեղարկվել է ավելի քան 2600 չվերթ։ Համաձայն poweroutage.us ինտերնետային մոնիտորինգի ռեսուրսի՝ գրեթե 400,000 տնային տնտեսություններ և ձեռնարկություններ մնում են առանց էլեկտրաէներգիայի, իսկ գագաթնակետին սպառողների թիվը հասել է 1,6 միլիոնի:
