08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Լավրովը դժգոհել է, որ Երևանը, իբր, դիվանագիտական ուղիներով չի տեղեկացրել Մոսկվայի հանդիպումից հրաժարվելու մասին
Քաղաքականություն
23.12.2022 | 17:48
Հայաստանը դիվանագիտական որևէ խողովակ չի օգտագործել՝ Մոսկվային տեղեկացնելու ՌԴ-ի և Ադրբեջանի արտգործնախարարներ Սերգեյ Լավրովի և Ջեյհուն Բայրամովի հետ եռակողմ հանդիպմանը մասնակցելուց հրաժարվելու մասին, հայկական կողմի այս մեթոդը հարցեր է առաջացնում։ Այս մասին հայտարարել է Սերգեյ Լավրովը Բայրամովի հետ բանակցություններից հետո կայացած մամուլի ասուլիսում։
«Մենք, ինչպես և Դուք, այս մերժման մասին տեղեկացանք մամուլի ծառայության հաղորդագրությունից։ Որևէ դիվանագիտական ուղիներ, որոնք սովորաբար ներգրավված են նման դեպքերում, չեն օգտագործվել։ Դա հայկական կողմի որոշումն է։ Այն մեթոդը, որով մեզ բոլորիս տեղեկացրին հայկական կողմի՝ այս միջոցառմանը չմասնակցելու մասին, իհարկե, հարցեր է առաջացնում»,- ասել է Լավրովը։
Հավելենք, որ Մոսկվայում դեկտեմբերի 23-ին նախատեսված էր Հայաստանի, Ռուսաստանի և Ադրբեջանի ԱԳ նախարարների հանդիպումը։
Հայաստանի ԱԳՆ խոսնակ Վահան Հունանյանը, սակայն, նախօրեին տեղեկացրել էր, որ հայկական կողմը խնդրել է հետաձգել հանդիպումը, քանի որ այս պահին Հայաստանի ԱԳ նախարարի առաջնահերթությունը Լաչինի միջանցքի անխոչընդոտ վերագործարկման և Լեռնային Ղարաբաղում հումանիտար ճգնաժամի արդյունքում ստեղծված խնդիրների հասցեագրումն է։
Էմմա Չոբանյան
