29.10.2026 | 23:25
Ջրագիծ է վնասվել. Գյումրիում ջրանջատում է
Լավրովը հայտարարել է, թե ԼՂ-ում հանքավայրերի խնդիրը կարելի է վերջնականապես լուծել միայն խաղաղության պայմանագրով
Քաղաքականություն
23.12.2022 | 18:14
Լեռնային Ղարաբաղում հանքավայրերի խնդիրը վերջնականապես կարող է լուծվել միայն խաղաղության պայմանագրով։ Այս մասին հայտարարել է ՌԴ ԱԳ նախարար Սերգեյ Լավրովը Ադրբեջանի արտգործնախարար Ջեյհուն Բայրամովի հետ բանակցություններից հետո կայացած մամուլի ասուլիսում։
Նա հավելել է, թե Ղարաբաղյան խնդիրը, իբր, ժառանգություն է Խորհրդային Միության փլուզման հետևանքով։ Լավրովի խոսքով՝ խնդրո առարկա հանքերը «շահագործվել են խորհրդային ժամանակներից»։
«Սա ժառանգված խնդրի մի մասն է: Եվ այն վերջնականապես կարող է լուծվել միայն խաղաղության պայմանագրի ստորագրմամբ և այս իրավական հարցում մեծ վերջակետ դնելով: Սա, իհարկե, չի նշանակում, որ պետք է անգործության մատնվեն»,- ասել է նա։
Ռուսաստանցի պաշտոնյայի խոսքով՝ խորհրդային տարիներին «երբ Լեռնային Ղարաբաղի ինքնավար մարզն Ադրբեջանական ԽՍՀ-ի կազմում էր, կային ձեռնարկություններ, որոնք այժմ, ըստ երևույթին, վերածվել են գործարանների»։
Նա հայտնել է, թե 10 օր առաջ ռուս խաղաղապահների միջնորդական ջանքերի շնորհիվ պայմանավորվածություն է ձեռք բերվել մի խումբ բնապահպանների կողմից հանքավայրերից մեկն այցելություններ կազմակերպելու մասին՝ «տեսնելու և հանրային կարծիքը հանգստացնելու համար», սակայն «այս համաձայնությունը, ցավոք, խափանվել է»։
Տաթև Ֆռանգյան
