27.06.2026 | 18:27
Կոշտ քաղաքական խոսույթը ատելության խոսք չէ ու չի կարող արդյունքներն անվավեր ճանաչելու հիմք լինել. Սրբուհի Գալյան․ ՏԵՍԱՆՅՈւԹ
Կիևն աշխատում է խաղաղության համաձայնագրի սեփական պլանի ուղղությամբ․ WSJ
Քաղաքականություն
23.12.2022 | 19:14
Ուկրաինայի նախագահ Վլադիմիր Զելենսկիի թիմը ներկայում աշխատում է ուկրաինական խաղաղության համաձայնագրի պլանի ուղղությամբ և մտադիր է իր գաղափարները ներկայացնել ռուսական ներխուժման առաջին տարելիցին։ Այս մասին հայտնում է The Wall Street Journal-ը՝ վկայակոչելով եվրոպացի և ուկրաինացի դիվանագետներին, փոխանցում է BBC-ի ռուսական ծառայությունը։
Աղբյուրների տվյալներով՝ Զելենսկիի պլանը բաղկացած է 10 կետից։ Սակայն չի նշվում, թե դրանք ինչ բովանդակություն ունեն։
Wall Street Journal-ը, միաժամանակ, նշում է, որ այս պահին և՛ Կիևի, և՛ Մոսկվայի համար առաջնահերթությունը մնում է ռազմական առճակատման շարունակությունը։ Զելենսկին պնդում է, որ անհրաժեշտ է շարունակել զենքի մատակարարումներն Ուկրաինային։
Լրատվամիջոցը, վկայակոչելով եվրոպացի դիվանագետներին, գրում է, որ Ռուսաստանը ևս չի պատրաստվում այս ձմռանն անգործ մնալ․ Պուտինը հետաքրքրված չի լինի բանակցություններով, քանի դեռ հարձակման նոր փորձ չկատարի փետրվար-ապրիլին և չտեսնի, թե այն ինչով է ավարտվում։
«Երկու կողմերն էլ ձգտում են առավելության հասնել մարտադաշտում, քանի որ մոտենում է ձմեռը, իսկ ցրտահարության պայմաններում պայքարն ավելի է դժվարանում: Կիևն ու Մոսկվան նաև աշխատում են՝ առավելություն ստանալու բանակցությունների նախապատրաստման հարցում, որոնք շատերն անխուսափելի են համարում, չնայած ցանկացած բանակցության ժամկետներն անորոշ են մնում»,- գրում է լրատվամիջոցը։
Էմմա Չոբանյան
