06.10.2026 | 17:37
«Կողք կողքի» միջազգային ներառական փառատոնի մասնակիցները Ազատության հրապարակում հանդես են եկել անվանի արտիստների հետ
Պեսկովն արձագանքել է Փաշինյանի՝ ՌԴ խաղաղապահների հասցեին հնչեցրած մեղադրանքներին․ «Գործում են փաստաթղթերի ոգուն համապատասխան»
Քաղաքականություն
22.12.2022 | 14:22
ՌԴ նախագահի խոսնակ Դմիտրի Պեսկովն արձագանքել է Հայաստանի վարչապետ Նիկոլ Փաշինյանի՝ Լեռնային Ղարաբաղում տեղակայված ռուս խաղաղապահների մասին խոսքերին։ Փաշինյանն այսօր հայտարարել էր, որ ռուս խաղաղապահները չեն ապահովել Լաչինի միջանցքի անձեռնմխելիությունը և չեն խանգարել Ադրբեջանին՝ արգելափակել այն։
Դմիտրի Պեսկովը նշել է, որ խաղաղապահները գործում են «փաստաթղթերի ոգուն և տառին համապատասխան», փոխանցում է Կոմերսանտը։
«Ռուս խաղաղապահներն անում են հնարավորը, որպեսզի ապահովեն կարգ ու կանոն և հանգստություն այն տարածքներում, որտեղ աշխատում են: Նրանք գործում են բացառապես փաստաթղթերի ոգուն և տառին համապատասխան, որոնք ստորագրվել են երկրների միջև: Մենք, իհարկե, մեր հայ գործընկերների և դաշնակիցների հետ կշարունակենք քննարկել այս թեման»,- լրագրողներին ասել է Պեսկովը։
Հիշեցնենք՝ այսօր ՀՀ վարչապետ Նիկոլ Փաշինյանը հայտարարել է, որ ռուս խաղաղապահները չեն կատարում Լաչինի միջանցքի վերահսկողության հետ կապված իրենց պարտավորությունները։
Տաթև Ֆռանգյան
