25.11.2024 | 16:50
Ճամբարակում, Սպիտակի ոլորաններում ձյուն է տեղում
Շոյգուն հայտարարել է, որ ՌԴ ԶՈՒ-ն «պետք է պահպանի խաղաղությունն ու կայունությունը Լեռնային Ղարաբաղում և Սիրիայում»
Քաղաքականություն
21.12.2022 | 17:53
ՌԴ պաշտպանության նախարար Սերգեյ Շոյգուն ՊՆ կոլեգիայի ընդլայնված նիստում հայտարարել է, որ 2023 թվականի համար առաջնահերթ խնդիր է «շարունակել հատուկ գործողությունը՝ մինչև առաջադրանքների կատարումը», գրում է Կոմերսանտը։
Բացի այդ, նրա խոսքով, ՌԴ Զինված ուժերը պետք է պահպանեն խաղաղությունն ու կայունությունը Սիրիայում և Լեռնային Ղարաբաղում։
«Շարունակել իրականացնել հատուկ ռազմական գործողությունը մինչև առաջադրանքների կատարումը։ Ռուսական զորքերի և ուժերի խմբավորումները պետք է ապահովեն խաղաղության և կայունության պահպանումը Լեռնային Ղարաբաղում և Սիրիայում»,- ասել է Շոյգուն։
Նա նաև հանձնարարել է ավելացնել գերճշգրիտ գերձայնային հրթիռային «Կինժալ» և «Ցիրկոն» համակարգերի մատակարարումները ու շարունակել աշխատել այլ հեռանկարային տեսակների ուղղությամբ։
Էմմա Չոբանյան
