07.06.2026 | 10:12
Գարեգին Բ-ն քվեարկում է. ՈՒՂԻՂ
Չինաստանի ԱԳՆ-ն զգուշացնում է եվրոպացի խորհրդարանականներին
Քաղաքականություն
20.12.2022 | 20:57
ԵՄ երկրները պետք է զգույշ լինեն խոսքերում և գործերում Թայվանի հարցում․ այսպես է երեքշաբթի օրը կայացած ճեպազրույցում Չինաստանի ԱԳՆ պաշտոնական ներկայացուցիչ Մաո Նինգը արձագանքել կղզի եվրոպացի խորհրդարանականների պատվիրակության այցի մասին հարցին, գրում է ՏԱՍՍ-ը։
«Մենք կտրականապես դեմ ենք ԵՄ-ի և Թայվանի միջև պաշտոնական հաղորդակցության ցանկացած ձևի և կոչ ենք անում ԵՄ-ին լիովին հետևել «Մեկ Չինաստան» սկզբունքին և զգուշություն ցուցաբերել Թայվանի հարցում խոսքերում և գործողություններում»,- ասել է Մաո Նինգը:
Նա նաև նշել է, որ Եվրախորհրդարանը որպես ԵՄ պաշտոնական մարմին պետք է ենթարկվի «Մեկ Չինաստան» սկզբունքին։
Հավելենք, որ երեքշաբթի օրը Թայվանի աշխատակազմի ղեկավար Ցայ Ինգ Վենը Թայբեյում հանդիպում է ունեցել Եվրոպական խորհրդարանի միջազգային առևտրի հանձնաժողովի պատվիրակության հետ։ Պեկինը կղզին համարում է Չինաստանի նահանգներից մեկը և օտարերկրյա պետություններին նախազգուշացնում է Թայբեյի հետ պաշտոնական կապերը զարգացնելու անթույլատրելիության մասին:
Տաթև Ֆռանգյան
