11.04.2026 | 22:24
Այցելել եմ երեկվա ողբերգական վթարից տուժած փոքրիկներին․ Ավանեսյան
Բունդեսթագի պատգամավորները կոչ են անում դադարեցնել Ադրբեջանի կողմից Լեռնային Ղարաբաղի շրջափակումը
Քաղաքականություն
18.12.2022 | 16:30
Գերմանիայի արտաքին քաղաքական գործիչները կոչ են անում դադարեցնել Ադրբեջանի կողմից Լաչինի միջանցքի շրջափակումը դեպի Լեռնային Ղարաբաղի տարածաշրջան։ Հայաստանի տվյալներով՝ այնտեղ 120 հազար մարդ օրեր շարունակ կտրված է բոլոր մատակարարումներից։ Ադրբեջանը պատասխանատու է համարում Ռուսաստանին, փոխանցում է Գերմանիայում Հայաստանի դեսպանությունը։
Բունդեսթագի ՔԴՄ/ՔՍՄ խորհրդարանական խմբի արտաքին քաղաքականության հարցերով խոսնակ Յուրգեն Հարդտը կոչ է արել Ադրբեջանի կառավարությանը դադարեցնել Հայաստանի և Լեռնային Ղարաբաղի միջև Լաչինի միջանցքի շրջափակումը։
«Չնայած Ադրբեջանը պնդում է, որ դիվանագիտական լուծում է փնտրում, հակամարտությունը չի հանդարտվում», – ասել է Հարդը RedaktionsNetzwerk Deutschland (RND)-ին ու նշել. «Ակնհայտորեն շրջափակողներին աջակցում է Բաքուն: Բաքվի կառավարությունը պետք է անհապաղ դադարեցնի շրջափակումը»:
Բունդեսթագի Կանաչներ խմբակցության արտաքին քաղաքականության հարցերով խոսնակ Յուրգեն Տրիտինը պահանջել է. «Ադրբեջանի կողմից Լեռնային Ղարաբաղի շրջափակումը պետք է անհապաղ դադարեցվի, հակառակ դեպքում հումանիտար աղետ է սպառնում»։
«Ադրբեջանի նախագահ Իլհամ Ալիևին նույնպես պետք են հստակ ազդանշաններ Եվրոպայից, որ նա պետք է ազատի Լաչինի միջանցքը»,- ասել է Տրիտինը։ «Ադրբեջանի նոր դերը՝ որպես Եվրոպայի համար էներգիայի կարևոր մատակարար, չպետք է հանգեցնի Բրյուսելի մեղմ արձագանքին»։
