Դեկտեմբերի 18-ին՝ ժամը 11:53-ին Վայոց ձորի մարզային ճգնաժամային կառավարման կենտրոն ահազանգ է ստացվել, որ Աղավնաձոր գյուղի խաչմերուկի մոտակայքում տեղի է ունեցել ՃՏՊ:
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Ինչպես տեղեկացնում են ՀՀ ԱԻՆ-ից՝ պարզվել է, որ Եղեգնաձոր-Աղավնաձոր ավտոճանապարհի 15-րդ կմ-ին բախվել են Mercedes-Benz (վարորդ՝ Ս․ Ղ․) և Honda (վարորդ՝ Վ․ Հ․) մակնիշների ավտոմեքենաները, ինչի հետևանքով վերջինս դուրս է եկել ճանապարհի երթևեկելի հատվածից (մոտ 1,5 մ) և հայտնվել ճանապարհամերձ առվակում։
Մինչ փրկարարների կանչի վայր հասնելը՝ Honda մակնիշի ավտոմեքենայի ուղևոր Ա․ Հ․-ն (ծնված 1962 թ.) հոսպիտալացվել է Եղեգնաձորի ԲԿ, որտեղ բժիշկները նրա առողջական վիճակը գնահատել են միջին ծանրության:
Փրկարարները հոսանքազրկել են ավտոմեքենաները, փակել գազի բալոնների փականները և սահմանազատել տարածքը:
