07.09.2026 | 23:24
Հայկական պտուղ-բանջարեղենի արտահանումը ԱՄԷ․ Պապոյանը քննարկել է ծավալների ավելացումը
Թրամփն առաջարկում է, որ Ռուսաստանը վերադառնա G8` մեծ ութնյակ
Քաղաքականություն
09.06.2018 | 11:52
ԱՄՆ-ի նախագահ Դոնալդ Թրամփը ցանկություն է հայտնել, որ Ռուսաստանը վերադառնա G8` մեծ ութնյակ. հաղորդում են արևմտյան լրատվամաիջոցները:
Իր այս կարծիքը Թրամփը հայտնել է կանադական Քվեբեք ուղևորվելիս, ուր անց է կացվում յոթ խոշորագույն տնտեսություններն ունեցող երկրների ղեկավարների այս տարվա հանդիպումը:
«Կարևոր չէ, թե ինչպես կկոչեք՝ G8, G7, նախկինում այն G8 էր: Ես առաջարկում եմ, որ Ռուսաստանը մասնակցի հանդիպմանը: Ուզեք, թե չուզեք, եթե նույնիսկ քաղաքականապես դա ճիշտ չէ, սակայն մենք պետք է շարունակենք ղեկավարել աշխարհը: Ուզում ենք Ռուսաստանը վերադառնա, քանի որ պետք է, որ այն լինի բանակցությունների սեղանի շուրջ»,- ասել է ԱՄՆ առաջնորդը
Հիշեցնենք, որ Ղրիմի բռնակցումից հետո 2014 թվականին դադարցվել էր Ռուսաստանի անդամակցությունը:
Նշենք նաև, որ G8 անդամ երկրների տնտեսությունները միասնաբար կազմում են համաշխարհային տնտեսության 60 տոկոսը:
