«Պետք է ստեղծվեն բուհ-աշխատաշուկա-գործատու կապը միավորող արդյունավետ հարթակներ». Կարեն Թռչունյան

Լուրեր

20.11.2026 | 18:30
«Իմ առաջարկից հետո մի շարք ՀԿ-ներ Ձեր հրաժարականն էին պահանջում»․ Ֆարմանյանը՝ փոխնախարարին․ ՏԵՍԱՆՅՈՒԹ
20.11.2026 | 18:29
Շվեդիան վիզա չի տրամադրի ռուս մարզիկներին
20.11.2026 | 18:19
Բանակից ազատելու դեպքերն ուսումնասիրեք 2018-ից հետո. Էդգար Ղազարյան․ ՏԵՍԱՆՅՈՒԹ
20.11.2026 | 18:15
Թույլ չենք տալու Հայաստանը տանել-մտցնել այլ պետության կազմ․ Ռուբինյանը՝ ընդդիմությանը․ ՏԵՍԱՆՅՈՒԹ
20.11.2026 | 18:10
Սամվել Կարապետյանը՝ Փաշինյանի առաջարկի մասին // Սամվել Մկրտչյանը՝ ՌԴ-ում ՀՀ նոր դեսպան․ ԼՈՒՐԵՐ
20.11.2026 | 18:07
Ինքնիշխանությունը կիսատ քարտեզը կրծքին փակցնելը չէ. Մարիաննա Ղահրամանյան․ ՏԵՍԱՆՅՈՒԹ
20.11.2026 | 18:01
Նոյեմբերի 29-ի ՏԻՄ ընտրությունների 66 տեղամասային կենտրոնում սանհանգույց չկա, 29-ի դեպքում տվյալները բացակայում են․ ՀՔԱՎ
20.11.2026 | 17:53
Պուտինի, Թրամփի և Սի Ցզինպինի ընդունած «խաղաղության հռչակագրում» Ուկրաինային վերաբերող կետ է եղել, որն ԱՄՆ-ի խնդրանքով հանվել է․ Ստուբ
20.11.2026 | 17:50
Եթե այս օրենքն էլ ընդունվի, ամեն տարի առնվազն մոտ 100 քաղաքացի ազատվելու է ծառայությունից. Մանուկյան․ ՏԵՍԱՆՅՈՒԹ
20.11.2026 | 17:45
Դատարանը մերժել է Վարդան Ղուկասյանից 400 քմ հողատարածքը պետությանը վերադարձնելու Դատախազության հայցը
20.11.2026 | 17:37
Լեհաստանի իշխանությունները հայտնել են երկրի տարածքում ռուսական երկու հրթիռի և մեկ ԱԹՍ-ի ընկնելու մասին
20.11.2026 | 17:30
«Ստնտուկ»-ի որոնումների ռեկորդ՝ Google-ում․ որտեղից ծնվեց հայերենում գոյություն չունեցող բառը․ ՏԵՍԱՆՅՈՒԹ
20.11.2026 | 17:22
MLS-ի ամենաբարձր վարձատրվող ֆուտբոլիստները
20.11.2026 | 17:10
Այսօրվանից մինչև փետրվարի 1-ը Սևանա լճում արգելվում է ձկնորսությունը․ պարեկները ուժեղացված հսկողություն կիրականացնեն
20.11.2026 | 16:58
Իրանից Հայաստան եկած երկու բեռնատարում հայտնաբերվել է ավելի քան 247 հազար տուփ չհայտարարագրված ծխախոտ․ բյուջե չի վճարվել 96 մլն դրամի հարկ
Բոլորը

ՀՀ կրթության, գիտության, մշակույթի և սպորտի նախարարի տեղակալ Կարեն Թռչունյանը մասնակցել է «հայrate» մրցանակաբաշխությանը, որի ընթացքում պարգևատրվել են ուսանողների շրջանում անցկացված հարցման արդյունքներով ընտրված գործատուները․ տեղեկացնում են ՀՀ ԿԳՄՍՆ-ից։

ՀՀ ԿԳՄՍ նախարարի տեղակալ Կարեն Թռչունյանը, ողջունելով ներկաներին, նշել է, որ կարևորում է նմանօրինակ միջոցառումների անցկացումը, որը նպաստում է բուհ-աշխատաշուկա-գործատու կապի ամրապնդմանը։

«Պետք է փաստել, որ այսօր խզված է բուհ-աշխատաշուկա կապը։ Պատճառն այն է, որ աշխատաշուկայի կառուցվածքն ու գործատուի պահանջներն արագ են փոփոխվում, իսկ շատ հաճախ բուհերի տված գիտելիքները դառնում են ոչ մրցունակ։ Աշխատանքի անցնելուց առաջ ուսանողը ստիպված է լրացուցիչ միջոցներ և ժամանակ տրամադրել գործատու պահանջներին համապատասխանելու համար: Բուհ-աշխատաշուկա հարաբերություններում առկա են մի շարք հիմնախնդիրներ, իսկ իրավիճակը կարելի է բարելավել՝ իրականացնելով բարեփոխումներ ինչպես կրթության ոլորտում, այնպես էլ աշխատաշուկայում: Մասնավոր հատվածը պետք է իր ակտիվ մասնակցությունն ունենա ուսանողներին տրված վերջնարդյունքների ապահովման գործում: Բուհ-աշխատաշուկա կապը խոչընդոտող գլխավոր գործոնն այն է, որ բուհն ավելի շատ կարևորում է հիմնարար գիտելիքները, իսկ գործատուն առաջնահերթությունը տալիս է հմտություններին։ Կարծում եմ՝ պետք է ստեղծվեն բուհ-աշխատաշուկա-գործատու կապը միավորող արդյունավետ հարթակներ, որոնք կփակեն ոլորտում առկա բացերը և կնպաստեն խնդիրների լուծմանը»,- ասել է նախարարի տեղակալը։

Արդեն երկրորդ տարին է, ինչ նախաձեռնությունն իրականացվում է «Հայաստանի մարդկային ռեսուրսների (ՄՌ)» ասոցիացիայի և «Գրանթ Թորնթոն Հայաստան» ՍՊԸ-ի համատեղ ջանքերով՝ նպատակ ունենալով շեշտադրել գործատուների գրավչությունն աշխատաշուկա մուտք գործող երիտասարդների համար, ինչպես նաև բացահայտել՝ որքանով են իրենց ապրանքանիշի ճանաչելիության բարձրացման ուղղությամբ գործատուների ձեռնարկած միջոցառումները հասցեական ուսանողների շրջանում:

Հարցմանը մասնակցել է Հայաստանի առաջատար բուհերի շուրջ 1000 ուսանող, որոնք ազատորեն արտահայտել են իրենց կարծիքը և նշել, անկախ գործունեության ոլորտից, 2022 թվականի ամենագրավիչ գործատուին: Որպես գրավիչ գործատու՝ ուսանողները նշել են ավելի քան 50 կազմակերպության անուններ, որոնցից առանձնացվել և մրցանակաբաշխության ընթացքում հայտարարվել են հարցման արդյունքում առավել ձայներ հավաքած 10-ի անունները: Առանձնահատուկ շեշտադրվել և պարգևատրվել է «Ամենագրավիչ գործատու» անվանակարգում առավելագույն ձայներ հավաքած կազմակերպությունը: Ըստ հարցման արդյունքների՝ առաջին հորիզոնականը զբաղեցրել է «Դիջիթեյն Արմենիա» ծրագրավորման ընկերությունը:

Հայաստանի ՄՌ ասոցիացիայի նախագահ Արփի Կարապետյանը, ողջունելով միջոցառման հյուրերին, նշել է. «Այսօր «հայrate»-ը վերահաստատում է երիտասարդության և գործատուների կապի կարևորությունը՝ որպես ուսանողության ներգրավմանն ուղղված գործատուների կողմից իրականացված հաջողված ծրագրերի ու քաղաքականության ակնարկ: Այս մրցանակաբաշխությունը յուրովի ուղղորդում է Հայաստանի աշխատաշուկայի կատարելագործումը դեպի նոր մշակույթ, որտեղ գործատուի բրենդինգը ծանրակշիռ դեր է խաղում տաղանդների ներգրավման գործում, քանզի ոչ միայն գործատուն է ընտրում աշխատակցին, այլև աշխատակիցն է ընտրում գործատուին»։

«Գրանթ Թորնթոն Քնսալթինգ» ՓԲԸ-ի տնօրեն Գուրգեն Հակոբյանը, շնորհավորելով մրցանակաբաշխության նախաձեռնողներին ու մասնակիցներին, հույս է հայտնել, որ արդեն երկրորդ տարին անցկացվող «հայrate»-ը հավակնում է դառնալ հայաստանյան աշխատաշուկայի հեղինակավոր վարկանիշերից մեկը:

Նշենք նաև, որ մրցանակաբաշխությանը ներկա են եղել բուհերի, մասնակից կազմակերպությունների ներկայացուցիչներ և ուսանողներ։