03.07.2026 | 01:00
ԱԱ-2026. Իսպանիան վստահ հաղթեց և 1/8 եզրափակիչում է. ՏԵՍԱՆՅՈՒԹ
Վրաստանում պահանջում են Կառավարության հրաժարականը
08.06.2018 | 22:05
Թբիլիսիում կառավարական շենքի մոտ իրականացվող բողոքի ցույցերի կազմակերպիչ Զազա Սարալիձեն դժգոհ է դեռահասների սպանության մասին գործի հետաքննությանն ուղղված միջոցներից, որոնք ընդունել է վրացական կառավարությունը, և մտադիր է հունիսի 10-ից հետո շարունակել հանրահավաքները, եթե իշխանությունները որոշակի քայլեր չնախաձեռնեն:
Այս մասին հայտնում է РИА Новости-ն՝ հիշեցնելով, որ Թբիլիսիի կենտրոնում մայիսի 31-ին սկսված բողոքի ակցիաները շարունակվել են մի քանի օր: Սարալիձեն պահանջում է օբյեկտիվ հետաքննություն անցկացնել 2017 թվականի դեկտեմբերին տեղի ունեցած սպանության գործով, որի զոհերից մեկն իր որդին էր:
Նա նաև կոչ է արել կառավարությանը հրաժարական տալ: Վրաստանի քաղաքացիների բողոքի նոր ալիք էր հրահրել անցյալ շաբաթ դատարանի կայացրած որոշումը, որի համաձայն՝ երկու դեռահասի սպանության գործով մեղադրյալներից մեկն ազատ էր արձակվել, իսկ մյուսին առաջադրված մեղադրանքը մեղմացվել էր:
