14.01.2026 | 19:50
Մառախուղ և մերկասառույց. իրավիճակը ճանապարհներին
Պեսկովը չի բացառել Փաշինյան-Պուտին-Ալիև հանդիպումը ԱՊՀ ոչ պաշտոնական գագաթնաժողովին
Քաղաքականություն
14.12.2022 | 15:12
ՌԴ-ի, Հայաստանի և Ադրբեջանի ղեկավարներ Վլադիմիր Պուտինի, Նիկոլ Փաշինյանի և Իլհամ Ալիևի եռակողմ հանդիպման համաձայնեցման ուղղությամբ աշխատանք է տարվում, նրանք կարող են բանակցել ԱՊՀ անդամ պետությունների ղեկավարների ոչ պաշտոնական գագաթնաժողովի շրջանակում։ Այս մասին լրագրողներին հայտնել է ՌԴ նախագահի մամուլի խոսնակ Դմիտրի Պեսկովը, գրում է ՏԱՍՍ-ը։
«Գիտեք, որ նախատեսված է ԱՊՀ անդամ պետությունների ղեկավարների ոչ պաշտոնական հանդիպում, որտեղ առնվազն երեք [առաջնորդներ] հնարավորություն կունենան խոսել գոնե նիստի շրջանակում։ Թե ինչպես կստացվի, դեռ աշխատանքն ընթացքի մեջ է»,- ասել է Պեսկովը։
Միաժամանակ, խոսելով լիարժեք եռակողմ հանդիպման հնարավորության մասին՝ Կրեմլի խոսնակը նշել է, որ «առայժմ այդ հարցում կոնկրետ պայմանավորվածություններ չկան»։
Էմմա Չոբանյան
