25.06.2026 | 17:07
Ընթացքի մեջ է Կարապետյանի` քաղաքացիություններից հրաժարվելու գործընթացը. Վարդևանյան․ ՏԵՍԱՆՅՈՒԹ
Սիրիայում ԱՄՆ-ի կողմից աջակցվող ուժերը Վաշինգտոնից ավելի էական ազդակ են սպասում Թուրքիային զսպելու համար
Քաղաքականություն
30.11.2022 | 22:58
ԱՄՆ-ի կողմից աջակցվող «Սիրիայի դեմոկրատական ուժերի» ղեկավարը մտահոգված է թուրքական ցամաքային ներխուժման հավանականությունից։
Հաշվի առնելով Թուրքական զինուժի աննախադեպ կուտակումները սահմանի երկայնքով՝ նա Վաշինգտոնին կոչ է անում «ավելի ուժեղ ազդակ հղել»։ Այս մասին գրում է Reuters-ը, որին վկայակոչում է Turkish Minute-ը։ Ըստ թուրք պաշտոնյաների՝ Սիրիա հյուսիսում ցամաքային օպերացիան կարող է սկսվել ցանկացած պահի։ Հավելենք, որ մինչ այդ թուրքական բանակը օդային հարձակումներ է իրականացնում։
Սիրիայի քրդական ուժերը տարիներ շարունակ աջակցություն են ստանում Վաշինգտոնից, բայց նաև համակարգում գործողությունները Սիրիայի կառավարության և նրա դաշնակից Ռուսաստանի հետ։ Աբդին ասել է, որ Վաշինգտոնից ու Մոսկվայից հստակ երաշխիքներ է ստացել, որ նրանք դեմ են թուրքական ցամաքային ներխուժմանը։
«Մենք դեռ նյարդայնացած ենք։ Թուրքիային կանգնեցնելու համար մեզ ավելի ուժեղ, ավելի հիմնավոր հայտարարություններ են պետք»,-ասել է Աբդին։ Նա նաև հայտարարել է, որ հույսը չի դնելու Սիրիայի ՀՕՊ-ի վրա, քանի որ այն չի կարող դիմակայել թուրքական հարվածներին։
Էմմա Չոբանյան
