08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Չինաստանն ավելի քան 400 միջուկային մարտագլխիկ ունի
Քաղաքականություն
30.11.2022 | 23:17
Պենտագոնը նախազգուշացրել է, որ Չինաստանն ընդամենը երկու տարվա ընթացքում գրեթե կրկնապատկել է իր միջուկային զինանոցը և այժմ ունի ավելի քան 400 միջուկային մարտագլխիկ, գրում է VOA-ն։ Պենտագոնի՝ Կոնգրեսին ուղղված «Չինաստանի ռազմական հզորությունը» տարեկան զեկույցում ասվում է, որ Չինաստանի միջուկային ընդլայնման տեմպերը կարող են հանգեցնել նրան, որ Պեկինը մինչև 2035 թվականը ունենա շուրջ 1500 մարտագլխիկ:
Չնայած դրան՝ ԱՄՆ-ի միջուկային զինանոցը (3800 ակտիվ մարտագլխիկ) կշարունակի զգալիորեն գերազանցել Չինաստանի ցուցանիշը:
Չինաստանի Ժողովրդաազատագրական բանակի հրթիռային ուժերը 2021 թվականին արձակել են մոտավորապես 135 բալիստիկ հրթիռ՝ փորձարկման և ուսուցման նպատակով։ «Սա ավելին է, քան մյուս բոլոր երկրները միասին վերցրած՝ չհաշված հակամարտությունների գոտիներում բալիստիկ հրթիռների կիրառումը»,- նշվում է զեկույցում։
Տաթև Ֆռանգյան
