16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
Սիրիայում ՌԴ ուժերի հրամանատարը հանդիպել է քրդերի առաջնորդի հետ՝ Թուրքիայի կողմից գործողության սպառնալիքի ֆոնին
Քաղաքականություն
29.11.2022 | 22:34
Սիրիայում ռուսական ուժերի հրամանատարը հանդիպել է քուրդ հրամանատարի հետ՝ Թուրքիայի հնարավոր ներխուժման ֆոնին։ Այս մասին հայտնել է քրդերի ներկայացուցիչը, գրում է VOA-ն։
Քրդերի գլխավորած «Սիրիայի դեմոկրատական ուժերի» խոսնակ Սիամանդ Ալին Associated Press-ին հաստատել է, որ գեներալ-լեյտենանտ Ալեքսանդր Չայկոն կիրակի օրը հանդիպել է Սիրիայի հյուսիսում գտնվող քուրդ հրամանատար Մազլում Աբդիի հետ՝ հավելելով, որ նա չի տիրապետում զրույցի մանրամասներին:
Չայկոյի այցը երկրի հյուսիս-արևելք տեղի է ունեցել Թուրքիայի նախագահ Ռեջեփ Թայիփ Էրդողանի՝ ցամաքային ներխուժում սկսելու մտադրության մասին հայտարարությունից մի քանի օր անց։ Էրդողանը Սիրիայի հյուսիսում քրդական խմբավորումներին մեղադրում է նոյեմբերի 3-ին Ստամբուլում պայթյունների մեջ, որոնց հետևանքով վեց մարդ զոհվեց, տասնյակ մարդիկ վիրավորվեցին: Սակայն քրդական խմբավորումները հերքում են իրենց կապը պայթյունների հետ։ Անցած շաբաթվա ընթացքում Թուրքիան մի շարք ավիահարվածներ է հասցրել Սիրիայի հյուսիսում և Իրաքում ենթադրյալ զինյալների թիրախներին:
Տաթև Ֆռանգյան
