17.08.2026 | 23:08
Զորականում և Ամասիայում շչակներ են փորձարկվելու
ԱՄՆ-ը Թուրքիային առաջարկել է Սիրիայում քուրդ զինյալներին դուրս բերել առանց ցամաքային գործողության․ Hürriyet
Քաղաքականություն
25.11.2022 | 21:34
Վաշինգտոնն առաջարկում է Անկարային քուրդ զինյալներին դուրս բերել Սիրիայի հյուսիսից 30 կիլոմետր հեռավորության վրա՝ առանց թուրքական զինված ուժերի ցամաքային գործողության անհրաժեշտության։ Այս մասին գրել է Hürriyet-ի սյունակագիր Աբդուլքադիր Սելվին, որը մոտ է կառավարական շրջանակներին, փոխանցում է ՌԻԱ Նովոստին։
Նոյեմբերի 20-ին Թուրքիան ռազմաօդային հարձակում էր իրականացրել Սիրիայի և Իրաքի հյուսիսում քրդերի դեմ՝ թիրախավորելով նաև խաղաղ բնակիչներին։
«Իմանալով նախագահ Էրդողանի վճռականությունը՝ ամերիկացիները քայլեր են ձեռնարկել առանց գործողության լուծելու այս հարցը։ ԱՄՆ ԳՇ պետը բանակցություններ է անցկացրել Թուրքիայի ԳՇ պետ Յաշար Գյուլերի հետ։ Թուրքիայի ՊՆ ղելավար Հուլուսի Աքարն ընդունել է Անկարայում ԱՄՆ դեսպան Ֆլեյքին։ Ի՞նչ են նշանակում այս հանդիպումները այն ժամանակ, երբ ցամաքային գործողությունն անխուսափելի է։ Այս բանակցությունները բնական են, որովհետև Քոբանիում կան նաև ամերիկացի զինվորներ։ Տարածաշրջանը գտնվում է ԱՄՆ-ի վերահսկողության տակ։ Ամերիկացիներն առաջարկում են քուրդ զինյալներին հետ քաշել 30 կիլոմետր հեռավորության վրա՝ առանց Թուրքիայի կողմից ցամաքային գործողության անհրաժեշտության»,- գրում է հոդվածագիրը։
Նա նաև ուշադրություն է հրավիրել Թուրքիայի և ՌԴ պաշտպանության նախարարների նախօրեի հեռախոսազրույցի վրա։ Սա, ըստ Սելվիի, նույնպես նշանակում է, որ ցամաքային գործողությունն անխուսափելի է, քանի որ մինչ օրս պարտավորությունները չեն կատարվել։
Էմմա Չոբանյան
