30.06.2026 | 18:02
Համբարձում Մաթևոսյանը Սեուլում ներկայացրել է Հայաստանի տեսլականը՝ որպես COP17-ը հյուրընկալող երկիր
Շոտլանդացիներին լռեցնել չի լինի, անկախության համար պայքարը կշարունակվի․ Նիկոլա Սթերջեն
Քաղաքականություն
24.11.2022 | 17:51
Մեծ Բրիտանիայից Շոտլանդիայի անկախության համար պայքարողները խոստացել են չհանձնվել՝ այն բանից հետո, երբ թագավորության Գերագույն դատարանը նրանց արգելել է նոր հանրաքվե անցկացնել առանց Լոնդոնի հավանության, գրում է Euronews-ը:
Շոտլանդիայի առաջին նախարար Նիկոլա Սթերջենը հայտարարել է, որ Շոտլանդիայի ազգային կուսակցությունը 2025 թվականի սկզբին նախատեսված Մեծ Բրիտանիայի ընտրությունները կօգտագործի որպես «վիրտուալ հանրաքվե»:
«Վեսթմինսթերյան կառույցը կարծում է, որ կարող է արգելափակել հանրաքվեն, բայց թույլ տվեք ձեր անունից պարզ ասել, որ վստահ եմ՝ այսօր ոչ մի հաստատություն՝ Վեսթմինսթերյան կամ այլ, երբեք չի լռեցնի շոտլանդացիներին»,- հայտարարել է Շոտլանդիայի առաջին նախարար Նիկոլա Սթերջենը։
Նախօրեին Մեծ Բրիտանիայի Գերագույն դատարանը որոշել էր, որ Էդինբուրգի խորհրդարանն «իրավունք չունի Շոտլանդիայի անկախության վերաբերյալ հանրաքվեի անցկացման օրենսդրական ակտ ընդունել»։
Սա Շոտլանդիայի՝ Միացյալ Թագավորությունից անջատվելու առաջին փորձը չէ։ 2014 թվականին, բրիտանական խորհրդարանի կողմից տրված հրամանից հետո, տեղի ունեցավ անկախության հանրաքվե, սակայն դրա մասնակիցների 55%-ը քվեարկեց Էդինբուրգի և Լոնդոնի միջև միությունը պահպանելու օգտին։
Սակայն հասարակության շրջանում կարծիքները փոխվեցին Brexit-ից հետո, ինչին դեմ էր շոտլանդացիների մեծամասնությունը։
Տաթև Ֆռանգյան
