03.02.2026 | 23:21
Ֆրանսիան պատրաստ է լիակատար աջակցություն ցուցաբերել Հայաստանին COP17-ի կազմակերպման հարցում
Ըմբշամարտի Եվրոպայի երիտասարդական առաջնությունում ազատ ոճի հայ ըմբիշները նվաճել են մեկ արծաթե և երկու բրոնզե մեդալ
30.06.2017 | 18:14
Դորտմունդում ընթացող ըմբշամարտի Եվրոպայի առաջնությունում իրենց մրցելույթներն են ավարտել ազատ ոճի ըմբիշները՝ նվաճելով մեկ արծաթե և երկու բրոնզե մեդալ:
120 կգ քաշային Հովհաննես Մաղաքյանը, եզրափակիչ գոտեմարտում զիջելով Ռուսաստանի Դաշնության ներկայացուցչին, արժանացել է արծաթե մեդալի, 55 կգ քաշային Արսեն Հարությունյանը և 50 կգ քաշային Կարեն Զուրաբյանը դարձել են բրոնզե մեդալակիրներ:
Ազատ ոճի ըմբշամարտի ՀՀ հավաքականը Գերմանիա էր մեկնել Կարեն Զուրաբյան (50 կգ), Արսեն Հարությունյան (55 կգ), Վարդգես Կարապետյան (60 կգ), Գևորգ Մխեյան (66 կգ), Արման Ավագյան (74 կգ), Հովհաննես Մխիթարյան (84 կգ), Սարգիս Հովսեփյան (96 կգ), Հովհաննես Մաղաքյան (120 կգ) կազմով: Մեր հավաքականն այս առաջնությանը մասնակցել է ավագ մարզիչ Ավետիք Վարդանյանի գլխավորությամբ և գրավել 6-րդ տեղը:
Տեղեկացնենք, որ ազատ ոճի ըմբշամարտի ՀՀ հավաքականը Օլիմպավանում կնախապատրաստվի 2017 թվականի օգոստոսի 1-ից մինչև 8-ը Ֆինլանդիայի Տամպերե քաղաքում անցկացվելիք ըմբշամարտի երիտասարդների աշխարհի առաջնությանը:
