21.04.2026 | 10:28
Ադրբեջանն այսօր դիզվառելիքի ևս մեկ խմբաքանակ կուղարկի Հայաստան
«Գազպրոմ»-ի և ադրբեջանական SOCAR-ի ղեկավարները համագործակցության հարցեր են քննարկել
Քաղաքականություն
23.11.2022 | 15:58
Ռուսական «Գազպրոմ»-ի ղեկավար Ալեքսեյ Միլլերը հանդիպել է Ադրբեջանի պետական նավթագազային SOCAR ընկերության նախագահ Ռովշան Նաջաֆի հետ, հայտնում է «Գազպրոմի» թելեգրամյան ալիքը։
«Կողմերը քննարկել են ընկերությունների միջև փոխգործակցության ներկա և ապագա հարցերը»,- ասվում է հաղորդագրությունում։
Հավելենք, որ ռուսական ընկերությունն ավելի վաղ հայտնել էր, որ այս ձմռանը կարող է Ադրբեջանին մատակարարել մինչև 1 միլիարդ խորանարդ մետր գազ:
«Նոյեմբերի 15-ին գազի առքուվաճառքի նոր պայմանագրով սկսվել են ռուսական գազի մատակարարումներն Ադրբեջան։ Փաստաթուղթը ստորագրվել է «Գազպրոմ Էքսպորտ» ՍՊԸ-ի և SOCAR-ի միջև։ Առաքումները կիրականացվեն 2023 թվականի մարտից։ Մատակարարումների ծավալը կազմում է մինչև 1 մլրդ խորանարդ մետր»,- ասվում է ընկերության հայտարարության մեջ։
Էմմա Չոբանյան
