09.09.2026 | 17:23
ԱՄՆ-ն չինական ընկերություններին մեղադրել է ամերիկյան արհեստական բանականության տեխնոլոգիաները պատճենելու մեջ
Ուկրաինան ֆոսֆորի այրող զինատեսակները ՌԴ-ին է փոխանցել 20 տարի առաջ․ Ադրբեջանին չէ՛ր կարող վաճառել․ Մարատ Հակոբյան․ ՏԵՍԱՆՅՈՒԹ
Քաղաքականություն
21.11.2022 | 19:32
Թեև Ուկրաինայի նախագահ Վլադիմիր Զելենսկին հերքել է, որ Ուկրաինան ֆոսֆորային ռումբ է վաճառել Ադրբեջանին, այդուհանդերձ, թե՛ ռուսական քարոզչական միջոցներն են այդ տեղեկությունը տարածում Հայաստանում, թե՛, ի զարմանս շատերի, դա ասաց նաև ամերիկացի սենատոր Ռոբերտ Մենեդեսը վերջերս Սենատում լսումների ժամանակ։
Factor TV-ի հարցազրույցում հարց ուղղեցինք Ուկրաինայում բնակվող քաղաքական վերլուծաբան Մարատ Հակոբյանին՝ ի վերջո Ուկրաինան վաճառե՞լ է սպիտակ ֆոսֆոր Ադրբեջանին, թե՞ ոչ։ Նա հիշեցրեց, որ տասնամյակներ առաջ Բուդապեշտյան հուշագրով Ուկրաինան ոչ միայն իր ունեցած միջուկային պաշարներն է տեղափոխել Ռուսաստան, այլև սպիտակ ֆոսֆորը։
«Սպիտակ ֆոսֆորի այրող զինատեսակները նույնպես Ուկրաինան իր տարածքից հանել է՝ միջազգային հանձնաժողովի հսկողությամբ դուրս են բերվել Ռուսաստան։ Այդ բոլոր մեղադրանքները, որ իրենք փորձում էին տանել Ուկրաինայի ուղղությամբ, սխալ են։ Հնարավոր չէ Ուկրաինայից մատակարարել մի բան, որը Ուկրաինայում չկա արդեն տասնյակ տարիներ»,- ասաց Մարատ Հակոբյանը։
Հարցազրույցն ամբողջությամբ՝ տեսանյութում։
Ռոբերտ Անանյան
