16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
Շվեդիան Թուրքիայի պահանջով փոխում է ահաբեկչության մասին օրենքը
Քաղաքականություն
17.11.2022 | 22:51
Շվեդիայի խորհրդարանը նոյեմբերի 17-ին ընդունել է սահմանադրական փոփոխությունը, որ պահանջել էր Թուրքիան ՆԱՏՕ անդամակցության համար։ 349 պատգամավորից 278-ը կողմ են քվեարկել փոփոխության առաջարկությանը, որը նախատեսում է խստացնել ահաբեկչության դեմ պայքարի օրենքները։ Այս մասին գրում է Ermenihaber-ը` հղում անելով Gazetekarinca-ին:
Շվեդիայի օրենքներով նախկինում բավական չէր մարդու նկատմամբ քրեական գործ հարուցել միայն ահաբեկչական խմբավորումների հետ առնչվելու համար։ Այժմ այդ գործընթացը նոր օրինագծից հետո հեշտացվել է։
Փոփոխությունն ուժի մեջ կմտնի 2023 թվականի հունվարի 1-ից։
Հիշեցնենք, որ Շվեդիայի նորանշանակ վարչապետ Ուլֆ Կրիստերսսոնի առաջին արտագնա այցը եղել էր դեպի Թուրքիա այս տարվա նոյեմբեր ամսին, որի ժամանակ հանդիպել էր նախագահ Էրդողանի հետ ու քննարկել երկկողմ, ինչպես նաև Շվեդիայի՝ ՆԱՏՕ անդամակցությանը վերաբերող մի շարք հարցեր։
