12.01.2025 | 22:00
Ընտրությունները կեղծվեցին, բայց մենք էլ չպատրաստվեցինք այնպես, ինչպես անհրաժեշտ էր․ Զուրաբիշվիլի
Թուրքիան դառնում է դեպի ԵՄ ռուսական նավթի արտահանման նոր ուղի
Քաղաքականություն
17.11.2022 | 22:25
Մոսկվայի եկամուտները հանածո վառելիքի արտահանումից հոկտեմբերին հասել են նվազագույն մակարդակին՝ Ուկրաինա ներխուժումից ի վեր, սակայն Թուրքիան դարձել է ԵՄ ռուսական նավթի մատակարարումների նոր ուղի, գրում է Turkish Minute-ը։
Ըստ Ֆինլանդիայում գտնվող Էներգետիկայի և մաքուր օդի ուսումնասիրության կենտրոնի՝ Ռուսաստանն անցյալ ամիս շուրջ 21 միլիարդ եվրո (21,7 միլիարդ դոլար) է ստացել հանածո վառելիքի արտահանումից, ինչը 7 տոկոսով պակաս է սեպտեմբերի համեմատ:
Եվրամիություն արտահանումից եկամուտները կրճատվել են 14 տոկոսով՝ հասնելով 7,5 միլիարդ եվրոյի, ինչը ցածր է նախապատերազմյան մակարդակից: ԵՄ-ն հաջորդ ամիս կարգելի ռուսական հում նավթի մեծ մասի ներմուծումը։ Բացի այդ, փետրվարից կարգելվի Ռուսաստանից նավթամթերքի ներկրումը։ Դաշինքը նաև էմբարգո է սահմանել Ռուսաստանի ածխի վրա: Թեև չի արգելվել բնական գազի ներմուծումը Ռուսաստանից, սակայն Մոսկվան կրճատել է մատակարարումները։
«Ռուսական նավթի՝ ԵՄ տարանցման նոր ուղի է ի հայտ գալիս Թուրքիայի միջոցով՝ որպես ռուսական հում նավթի աճող ուղղության»,- նշում է կենտրոնը։
Ըստ աղբյուրի՝ Անկարան ավելացրել է ռուսական նավթի ներկրումն Ուկրաինայի պատերազմի մեկնարկից հետո։ Վերլուծական կենտրոնը նաև տեղեկացնում է, որ նավթը վերամշակվում է Թուրքիայում, որի վերամշակած նավթամթերքի արտահանումը ԵՄ և ԱՄՆ սեպտեմբեր-հոկտեմբեր ամիսներին, հուլիս-օգոստոս ժամանակահատվածի համեմատությամբ, աճել է 85 տոկոսով։
«Թուրքական վերամշակող գործարանները, հետևաբար, ելք են ապահովում Ռուսաստանի նավթի արտահանման համար՝ վերամշակելով ապրանքներ այն շուկաների համար, որոնք կա՛մ չեն ցանկանում ուղղակիորեն ներկրել ռուսական հում նավթը, կա՛մ չունեն վերամշակման հզորություն՝ դա անելու համար։ Քանի որ ԵՄ-ն դեկտեմբերի 5-ից արգելում է ռուսական նավթի ներկրումը, սա կարող է կարևոր դառնալ»,- ասվում է տեղեկատվության մեջ։
Էմմա Չոբանյան
