07.06.2026 | 00:08
Ձերբակալվել է Բյուրական համայնքի նախկին ղեկավար Զարզանդ Գրիգորյանը
Ուկրաինան կարող է հաղթել, բայց ԱՄՆ-ի աջակցությունն է անհրաժեշտ․ Ջորջ Բուշ
Քաղաքականություն
17.11.2022 | 21:26
ԱՄՆ նախկին նախագահ Ջորջ Բուշն Ուկրաինայի նախագահին անվանել է «կոշտ տղա»՝ ասելով, որ Վլադիմիր Զելենսկին կարող է հաղթել Ռուսաստանի հետ պատերազմում, եթե Կիևը ստանա անհրաժեշտ աջակցություն, գրում է VOA-ն։
«Անշուշտ, նրանք կարող են հաղթել, նրանք հաղթում են։ Սակայն նրանք չեն հաղթի, եթե ԱՄՆ-ը և ազատ աշխարհն ասեն, որ դա այլևս չարժե», – ասել է Բուշը՝ ելույթ ունենալով Դալլասում իր ինստիտուտում կայացած համաժողովում:
Բուշի խոսքով՝ Ուկրաինան «խաղաղ ժողովրդավարություն էր, որը զարգացնում էր իր ինստիտուտները», երբ Ռուսաստանը ներխուժեց այդ երկրի տարածք փետրվարին։
«Այդ պահից սկսած ուկրաինացի ժողովուրդը մեծապես տուժեց»,- ասել է Բուշը:
ԱՄՆ նախկին նախագահը նշել է, որ պատմության մեջ Զելենսկին կմնա որպես «մեծ առաջնորդ»՝ հավելելով, որ ԱՄՆ-ը պետք է աջակցի Ուկրաինային Ռուսաստանի դեմ պայքարում։
«Ուկրաինայում ձախողումը կազդի ամերիկացիների ապագա սերունդների վրա։ Անկայուն Եվրոպան, Եվրոպան, որտեղ բռնակալն է ղեկավարում, կազդի մեր ազգային անվտանգության վրա»,- եզրափակել է Ջորջ Բուշը։
Տաթև Ֆռանգյան
