Քաղաքականություն
14.11.2022 | 16:00Ազգային ժողովի «Քաղաքացիական պայմանագիր» խմբակցության պատգամավոր Գուրգեն Մելքոնյանը Factor.am-ի հետ զրույցում անդրադառնալով դիտարկմանը, որ Ադրբեջանը շարունակում է օկուպացված պահել հայկական տարածքները, չնայած հայկական կողմի՝ ՀՀ ինքնիշխան տարածքից զորքերի դուրս բերման պահանջին, նշեց․ «Մենք նախագիծ ենք ընդունել, որը նաև մեր բանակի բարեփոխման հիմնաքարն է դառնալու, այսինքն՝ մենք սկսում ենք այնպես անել, որ մեր բանակը հզորացենք։ Մինչև մենք մեր բանակը չհզորացնենք ու հույսներս մեզ վրա չդնենք, մենք չենք կարող մեր թշնամու հետ իր լեզվով խոսել․․․ Մեր բանակը դեռևս կառուցման ընթացքի մեջ է։
Մեր գերատեսչություններն աշխատում են թե՛ ԵՄ-ի, թե՛ ՌԴ-ի և թե՛ ԱՄՆ-ի հետ, որպեսզի նրանք թույլ չտան հարձակում մեր երկրի վրա։ Ինչ վերաբերում է հայկական տարածքնարից ադրբեջանական զորքերի դուրս գալուն, կարծում եմ՝ պետությունները ստիպելու են, որ դուրս գան մեր տարածքներից»։
Մելքոնյանը նաև հայտնեց, որ Հայաստանը սպառազինության ձեռք բերման հարցով այժմ ունի կնքված պայմանագիր հնդկական կողմի հետ, և մի քանի երկրների հետ քննարկումներ են ընթանում։ Պատգամավորի խոսքով՝ Հայաստանը սպառազինությունը ձեռք է բերում պաշտպանական նպատակներով։
Մանրամասները՝ տեսանյութում։
