Միրզոյանը ցավակցել է Թուրքիային, Փաշինյանը՝ ԼՂ հարցը լուծված լինելու՝ Ալիևի պնդման մասին. ԼՈՒՐԵՐ

• Ադրբեջանը ԼՂ հայերին «մեր քաղաքացիներ» է անվանում և կրակում նրանց ուղղությամբ,- թվիթերի իր միկրոբլոգում գրառում է կատարել վարչապետ Նիկոլ Փաշինյանը՝ անդրադառնալով Ադրբեջանի կողմից հրադադարի խախտման դեպքերին և Ալիևի հայտարարությանը։ «2020 թ. նոյեմբերի 9-ից ի վեր 3 խաղաղ բնակիչ է սպանվել, 16-ը` վիրավորվել 54 մահափորձերի հետևանքով: Արդյոք սա է այն պնդման իրագործումը, երբ Ադրբեջանն ասում է «ԼՂ հարցը լուծված է»»,- գրել է վարչապետը։
• ՀՀ ԱԱԾ-ն բացահայտել և կանխել է անօրինական միգրացիայի կազմակերպմամբ զբաղվող հանցավոր խմբի գործունեությունը: Մասնավորապես, պարզվել է, որ մի խումբ անձինք` շահադիտական նպատակով, երկու և ավելի անձանց անօրինական միգրացիան կազմակերպելու դիտավորությամբ, նախնական համաձայնության գալով Երևան քաղաքում գործող տուրիստական տարբեր գործակալությունների ղեկավար կազմերի և այլ անձանց հետ, կատարելով դերերի բաշխում, յուրաքանչյուր անձի հաշվարկով մինչև 25.000 ԱՄՆ դոլարի դիմաց կազմակերպել են ՀՀ մի շարք քաղաքացիների անօրինական մեկնումը տարանցիկ երկրներով ԱՄՆ:
• ՀՀ ԱԳ նախարար Արարատ Միրզոյանը իր ցավակցությունն է հայտնել նախօրեին Ստամբուլի Իսթիքլալ պողոտայում տեղի ունեցած պայթյունի կապակցությամբ, որը Թուրքիայի իշխանություններն որակել են որպես ահաբեկչություն։ «Անկեղծ ցավակցություններս եմ հայտնում Ստամբուլում տեղի ունեցած պայթյունի զոհերի ընտանքիներին ու շուտափույթ ապաքինում մաղթում տուժածներին»,-թվիթերյան իր էջում գրել է Արարատ Միրզոյանը։

Այս ժամի լուրերը՝ տեսանյութում։