21.04.2026 | 11:58
Նախատեսվում է ընդլայնել հայրենիքի պաշտպանության ժամանակ տուժած զինծառայողների և զոհվածների ընտանիքների սոցիալական երաշխիքները
Խնդիրը մինչև օրս չի լուծվել. Փաշինյանը`դաշնակցին գումար փոխանցելու և զինամթերք չստանալու մասին․ ՏԵՍԱՆՅՈւԹ
Քաղաքականություն
11.11.2022 | 22:09
«Այսօր մենք փորձում ենք, աշխատում ենք զենք, սպառազինություն և զինտեխնիկա ձեռք բերելու մեր հնարավորությունները դիվերսիֆիկացնելու ուղղությամբ»,- Հանրային հեռուստաընկերությանը տված հարցազրույցում այս մասին նշեց ՀՀ վարչապետ Նիկոլ Փաշինյանը՝ անդրադառնալով Հնդկաստանից զենք մատակարարելու մասին մամուլի հրապարակումների վերաբերյալ դիտարկմանը։
«Մենք այդ ուղղությամբ գնալու ենք առաջ, և եթե զենքի մատակարարման մասին տեղեկատվություն հրապարակելու անհրաժեշտություն ու նպատակահարմարություն լինի, համոզված եղեք, կհայտարարվի»,- ասաց վարչապետը։
Անդրադառնալով զենքի մատակարարման խնդրի հետ կապված հարցին՝ վարչապետը նշեց․ «Հայաստանին զենք չմատակարարած գործընկերոջ հետ քննարկումները շարունակվում են, ցավոք, հարցը մինչ օրս չի լուծվել։ Քննարկումերն ընթացքի մասին են»։
Հիշեցնենք ՝ ավելի վաղ կառավարության նիստում վարչապետն ասել էր, որ Հայաստանի գործընկերներից մեկը չի կատարել զենքի մատակարարման պարտավորությունների մասին պայմանագիրը։ Մամուլում ու սոցցանցերում լուրեր տարածվեցին, թե իբր խոսքը Ռուսաստանի մասին է։ Սակայն այս հարցում պաշտոնական մեկնաբանություններ չեղան։
Դիտարկմանը, որ մամուլում շրջանառվում է նաև Հորդանանի անունը՝ Փաշինյանն արձագանքեց․ «Դե մամուլը, ինչպես միշտ, շատ ավելի հավաստի տեղեկատվություններ ունի»։
Մանրամասն՝ տեսանյությում։
