19.05.2026 | 12:02
«Անկախ դիտորդը» անհամաչափ և ընտրողական է համարում Արթուր Օսիպյանի ձերբակալությունը
Ֆելիքս Ցոլակյանը պաշտոնապես հայտարարեց ՀՀԿ խմբակցությունից դուրս գալու մասին
Քաղաքականություն
04.06.2018 | 22:12
Լուրեր
19.05.2026 | 11:31
Հրապարակվել է Սոնա Մնացականյանի վրաերթի գործով Վերաքննիչ դատարանի որոշումը. ՈՒՂԻՂ
19.05.2026 | 11:30
Ռուսական զորքերը հարվածել են Ուկրաինայի մի քանի շրջանների. զոհեր և վիրավորներ կան
ԱԺ Հանրապետական խմբակցության պատգամավոր Ֆելիքս Ցոլակյանը ֆեյսբուքի ի էջում արված գրառմամբ տեղեկացրել է խմբկացությունից դուրս գալու իր որոշման մասին:
«Հարգելի հայրենակիցներ,
ցանկանում եմ տեղեկացնել, որ դուրս եմ գալիս Ազգային Ժողովի «ՀՀԿ» խմբակցությունից։
Թերևս բոլորին է հայտնի, որ երբևէ որևէ կուսակցության անդամ չեմ եղել, իսկ սույն թվականի մայիսի մեկին տեղի ունեցած վարչապետի ընտրությունից հետո, փաստացի, դադարել է նաև համագործակցությունը «ՀՀԿ» խմբակցության հետ։
Հաշվի առնելով այն հանգամանքը, որ Ազգային Ժողովի պատգամավոր եմ ընտրվել ռեյտինգային ընտրակարգով և ունեմ ուղղակի պարտավորություններ իմ օգտին քվեարկած մեր հայրենակիցների և ողջ Շիրակ աշխարհի առջև՝ շարունակելու եմ հանդես գալ որպես անկախ պատգամավոր և ներկայացնել մեր ժողովրդի խնդիրները։
Խաղաղություն բոլորիս»:
Հիշեցնենք, որ Ցոլակյանը մայիսի 1-ին անկախ ՀՀԿ խմբակցության որոշումից, կողմ քվեարկեց Նիկոլ Փաշինյանի՝ վարչապետի թեկնածությանը: Ֆելիքս Ցոլակյանի այս քայլը սուր քննադատության արժանացավ և նույնիսկ որոշում էր կայացվել նրան հեռացնել խմբակցությունից: Այսօր լրագրողների հետ հանդիպմանը պատգամավորը նշել էր. «Կարող է ես ավելի շուտ դուրս գամ ՀՀԿ-ից, քան ինձ կհեռացնեն»:
