21.01.2026 | 23:30
Ինչ իրավիճակ է Հայաստանի ճանապարհներին և Լարսում
Հասարակությունն ավելի է հասունացել, քան իշխանությունները. Հայկ Խանումյան. ՏԵՍԱՆՅՈՒԹ
Քաղաքականություն
03.06.2018 | 18:40
Ստեփանակերտի ավտոկայանի մոտ հանրահավաքը շարունակվում է: Քիչ առաջ ներկաների առաջ ելույթ է ունեցել ԱՀ ԱԺ պատգամավոր Հայկ Խանումյանը:
«Իրականում այս շարժումը հասել է մի մեծ հաջողության, հաջողության, որին մենք` ընդդիմադիր ուժերը, երեք տարի շարունակ չենք կարողացել հասնել Ազգային ժողովում աշխատելիս: Տարբեր խնդիրների մասին շատ է խոսվել, սակայն այդ խոսքը ձեզ չի հասել: Ես հույս ունեմ, որ այս ամենը բերելու է բաց աշխատանքի, երբ որ ձեր վճարած հարկերի ծախսերի ուղղությունները հստակ տեսնելու եք: Իրականում ահագին բան է փոխվել, մեր հասարակությունն ահագին փոխվել է: Իրականում հասարակությունն ավելի է հասունացել, քան իշխանությունները, ամբողջ քաղաքական էլիտան: Պետք է աշխատել բաց, պետք է ապօրինություններ գործող իշխանություններից անմիջապես ազատվել կամ գոնե փակել այդ ճանապարհները: Կրկնում եմ, դուք այս երեք օրվա մեջ այնքան աշխատանք եք կատարել, որքան մենք չեն կարողացել կատարել երեք տարում, քանի որ սա ավելի մեծ ազդեցություն է թողել որոշում ընդունողների վրա, քան տարիների աշխատանքը նրանց հետ», – ասել է Խանումյանը:
