31.10.2026 | 18:27
Փոփոխություն կամավոր ատեստավորման կարգում. կսահմանվի 300 հազար դրամ դրույքաչափ. նախագիծ
Կիևում նշել են Մոսկվայի հետ բանակցությունների պայմանը
30.10.2022 | 21:23
Մոսկվայի հետ հնարավոր բանակցությունների վերաբերյալ «միակ իրատեսական առաջարկը» պետք է լինի «Ռուսաստանի կողմից Ուկրաինայի դեմ պատերազմի անհապաղ դադարեցումը և ռուսական զորքերի դուրս բերումը 1991 թվականին ընդունված սահմաններից»,- հայտնել է Ուկրաինայի արտաքին գործերի նախարարության խոսնակ Օլեգ Նիկոլենկոն Facebook-ի իր էջում:
Ավելի վաղ ՌԴ ԱԳ նախարար Սերգեյ Լավրովը հայտարարել էր, որ ռուսական կողմը նախկինի պես պատրաստ է բանակցություններին՝ Ուկրաինայում իրավիճակը կարգավորելու համար:
Նիկոլենկոյի կարծիքով՝ Լավրովի հայտարարությունը «ոչ այլ ինչ է, քան հերթական ծխածածկույթ, որպեսզի ժամանակ շահի ռուսական բանակի պարտությունների ֆոնին»։
«Քանի դեռ Ռուսաստանը շարունակում է հանցագործություններ կատարել Ուկրաինայում, պատասխանը պետք է լինի մեկը՝ մարտի դաշտում»,- ընդգծել է նա։
