09.10.2026 | 17:08
Պուտինը, Ալիևն ու Փեզեշքիանը Թուրքմենստանում եռակողմ հանդիպում են անցկացրել
Սեուլում ավելի քան 150 մարդ է մահացել Հելոուինի տոնակատարության ժամանակ
Քաղաքականություն
30.10.2022 | 13:11
Սեուլում Հելոուինի տոնակատարության ժամանակ հրմշտոցի հետևանքով ավելի քան 150 մարդ է մահացել։ Ավելի քան 80-ը վիրավոր է։ Ողբերգության զոհերի ճնշող մեծամասնությունը, ըստ փրկարարների, 18-ից 30 տարեկան երիտասարդներ են, մահացածների թվում կան օտարերկրացիներ, հայտնում է Հյուպատոսարանը։ Այս մասին տեղեկացնում է «Եվրոնյուզը»։
Ողբերգությունը տեղի է ունեցել Իտաևոն շրջանում, որը հայտնի է որպես մայրաքաղաքի գիշերային կյանքի գլխավոր կենտրոններից մեկը։ Հելոուինի տոնակատարության համար այստեղ, ըստ ոստիկանության, հավաքվել է մոտ 100,000 մարդ։
Հրմշտոցը տեղի է ունեցել համեմատաբար նեղ գոտում։ Ըստ ականատեսների՝ ամբոխը շտապել է բար, որտեղ, ըստ լուրերի, նկատել են փոփ աստղին։
«Դեպքից առաջ այնքան մարդ կար։ Ես նույնպես մտա ամբոխի մեջ ու սկզբում չկարողացա դուրս գալ։ Ես զգացի, որ այդ ողբերգությունն անխուսափելի է»,- պատմել է փրկվածներից մեկը:
