07.12.2025 | 15:56
Մերցը Նեթանյահուի հետ է հանդիպել
Հայաստան-Թուրքիա սահմանին գրանցված երկրաշարժը զգացվել է Արմավիրի մարզում
29.10.2022 | 15:46
ՀՀ ԱԻՆ Սեյսմիկ պաշտպանության տարածքային ծառայության սեյսմոլոգիական ցանցի կողմից հոկտեմբերի 29-ին տեղական ժամանակով ժամը 14:39-ին (Գրինվիչի ժամանակով ժամը՝ 10:39-ին) գրանցվել է հյուսիսային լայնության 40.06 և արևելյան երկայնության 44.14 աշխարհագրական կոորդինատներով Հայաստան-Թուրքիա սահմանային գոտի` Արմավիր քաղաքից 14 կմ հարավ-արևելք, օջախի 10 կմ խորությամբ, 2.5 մագնիտուդով երկրաշարժ:
Այս մասին հայտնում են ՀՀ Արտակարգ իրավիճակների նախարարությունից, նշելով, որ էպիկենտրոնային գոտում ստորգետնյա ցնցման ուժգնությունը կազմել է 3 բալ:
Երկրաշարժը զգացվել է Արմավիրի մարզի Վարդանաշեն, Մարգարա և Նալբանդյան գյուղերում` 2-3 բալ ուժգնությամբ։
