06.06.2026 | 01:06
«Ուժեղ Հայաստանի» մասնակցությունը կվիճարկվի՞ Վարչական դատարանում, թե՞ ոչ․ «Հանրապետության» անդամը՝ իրենց որոշման մասին
Առաջարկել ենք ոսկին ՝ որպես հումք, տեղափոխել Հայաստան. Արարատ Միրզոյանը մանրամասներ է հայտնում Դուշանբե կատարած այցից
Տնտեսություն
02.06.2018 | 12:12
ՀՀ առաջին փոխվարչապետ Արարատ Միրզոյանն ընդհանուր առմամբ դրական է գնահատում Դուշանբե կատարած աշխատանքային առաջին այցը: Հայաստան վերադառնալիս տված հարցազրույցում պարոն Միրզոյանը ներկայացրեց այցի արդյունքները. «Նախ ծանոթացանք ԱՊՀ երկրների վարչապետերի, որոշ դեպքերում փոխվարչապետերի հետ: Քննարկումներ ունեցանք և նեղ ձևաչափով, և ավելի ընդլյանված: Քննարկեցինք բազմաթիվ հարցեր՝ առաջին հերթին ԱՊՀ տնտեսական համագործակցության վերաբերյալ»:
Առաջին փոխվարչապետի փոխանցմամբ՝ ստորագրվել են նաև մի շարք փաստաթղթեր, որոնք նախօրոք պատրաստվել և շրջանառվել էին ամիսներ առաջ: Ստորագրված փաստաթղթերից երկուսի դեպքում հատուկ կարծիք են ներկայացրել և կցել փաստաթղթերին:
«Հատուկ կարծիք ունեինք նաև մեր արևելյան հարևանների կողմից և արտաքին քաղաքականության առումով ճիշտ շեշտադրումներ տալու համար կարևոր էր նաև հայկական կողմի կարծիքը»,- շարունակեց առաջին փոխվարչապետը:
Նրա տեղեկացմամբ՝ առանձնազրույց են ունեցել նաև Տաջիկստանի վարչապետի հետ, քննարկել են մի շարք հարցեր, այդ թվում՝ ոսկեգործության վերաբերյալ:
«Առաջարկել ենք ոսկին ՝ որպես հումք, տեղափոխել Հայաստան, այստեղ վերամշակել, վերածել զարդեղենի և ուղարկել Տաջիկստան: Այստեղ երկու կողմերի համար շահավետ տարբերակներ կան»,- հավելեց Միրզոյանը:
Մանրամասները՝ տեսանյութում:
Շողիկ Գալստյան
