02.11.2026 | 11:35
ՌԴ-ում և Ուկրաինայում հաքերները կոտրել են օդային տագնապի, արտակարգ իրավիճակների մասին ծանուցման հավելվածները
Երևանի ընդհանուր իրավասության դատարանի դատավորի թափուր պաշտոնում առաջարկվել է դատավոր Սուսաննա Գզոգյանի թեկնածությունը
Հասարակություն
28.10.2022 | 16:43
Բարձրագույն դատական խորհուրդը որոշել է Երևանի ընդհանուր իրավասության դատարանի դատավորի թափուր պաշտոնում հանրապետության նախագահին առաջարկել դատավոր Սուսաննա Գզոգյանի թեկնածությունը։ Այս մասին տեղեկանում ենք դատական իշխանության court.am կայքից։
Երևանի ընդհանուր իրավասության դատարանում դատավորի թափուր տեղն առաջացել է, քանի որ այս դատարանի դատավոր Մեսրոպ Մակյանը տեղափոխվել է Վերաքննիչ դատարան։
Սուսաննա Գզոգյանը Լոռու մարզի ընդհանուր իրավասության դատարանի դատավոր է, 5 տարի այս մարզում է աշխատել, սակայն 2022-ի մայիսի 10-ին ժամանակավորապես գործուղվել է Երևան։ Այս պահին դեռևս Գզոգյանի գործուղումը չի ավարտվել։ Այսինքն՝ հանրապետության նախագահի կողմից հրամանագիրը ստորագրելուց հետո Գզոգյանը կշարունակի աշխատել Երևանի դատարանում։
Արաքս Մամուլյան
