30.10.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
Հ2-ը մայրաքաղաքային սլոթում չի հեռարձակվի․ ՀՌՀ-ն հրապարակեց որոշումը
28.10.2022 | 13:40
Հեռուստատեսության և ռադիոյի հանձնաժողովն այսօր իրականացրեց հանրային մուլտիպլեքսում սլոթի օգտագործման լիցենզավորման մայրաքաղաքային սփռման մրցույթի մասնակիցների հայտերի վարկանիշային քվեարկությունը։ 78 միավորով հաղթող ճանաչվեց «Հայաստանի հանրային հեռուստաընկերություն» ՓԲԸ-ն։ «Հայկական երկրորդ հեռուստալիք» ՍՊԸ-ն ստացավ 55 միավոր։ «Ոոոշումը կուղարկենք 3 օրյա ժամկետում»,- ասաց ՀՌՀ նախագահ Տիգրան Հակոբյանը։
Հիշեցնենք՝ դեռ 2021-ի հունիսի 4-ին, երբ Առաջինի լրատվական ալիքը շահեց հեռարձակման մրցույթն ու Երևանում սփռման լիցենզիա ստացավ, արդյունքները կասկածի տակ առավ մրցույթի մյուս մասնակիցը՝ Հայկական երկրորդ հեռուստաընկերությունը: Մրցույթն անվավեր ճանաչելու պահանջով Հ2-ը դիմեց վարչական դատարան, հայցը բավարարվեց: Ապա հակընդդեմ հայցով Վերաքննիչ գնաց Հեռուստատեսության և ռադիոյի հանձնաժողովը, երկրորդ ատյանն անփոփոխ թողեց առաջինի որոշումը: Գործը հասավ Վճռաբեկ, ու արդեն այս տարվա հունիսի 7-ին երրորդ ատյանը մերժեց քննություն սկսել՝ արդյունքում օրինական ուժի մեջ թողնելով Վերաքննիչի՝ հօգուտ Հ2-ի կայացրած որոշումը: Այդուհանդերձ, այսօր կայացած քվեարկությամբ Հ2-ը դարձյալ ավելի քիչ միավորներ հավաքեց և մայրաքաղաքային սլոթում կհեռարձակվի Առաջինի լրատվական ալիքը։
