25.06.2026 | 18:02
Կարևոր է օգտագործել առկա հնարավորությունները՝ Հայաստանի հետ խաղաղության գործընթացն ավարտելու համար․ Ադրբեջանի ԱԳՆ
«Եթե Պուտինը չի պատրաստվում միջուկային սպառազինություն կիրառել, ապա ինչո՞ւ է անընդհատ խոսում դրա մասին». Բայդեն
Քաղաքականություն
28.10.2022 | 11:18
ԱՄՆ նախագահ Ջո Բայդենը թերահավատություն է հայտնել ՌԴ նախագահ Վլադիմիր Պուտինի այն խոսքերի վերաբերյալ, թե ինքը մտադիր չէ միջուկային զենք կիրառել Ուկրաինայում, փոխանցում է BBC-ի ռուսական ծառայությունը։
Պուտինը հինգշաբթի իր ելույթում հայտարարել է, թե Ռուսաստանը չի պատրաստվում միջուկային զենք կիրառել և «միայն պատասխանել է արևմտյան առաջնորդների միջուկային շանտաժին»։
«Եթե նա մտադրություն չունի, ինչո՞ւ է անընդհատ խոսում այդ մասին, ինչո՞ւ է խոսում մարտավարական միջուկային զենք կիրառելու ունակության մասին», -ասել է Բայդենը NewsNation հեռուստաընկերությանը տված հարցազրույցում։
Իսկ Սպիտակ տան ազգային անվտանգության խորհրդի ռազմավարական հաղորդակցության համակարգող Ջոն Քիրբին CNN-ին տված հարցազրույցում ասել էր, որ Ռուսաստանը կարող է քննարկել «կեղտոտ ռումբ» օգտագործելու հարցը և պատրվակ է ստեղծում դրա համար Ուկրաինային մեղադրելու համար: Միևնույն ժամանակ, Քիրբին նշել է, որ Վաշինգտոնը դրա որևէ նախանշան դեռ չի տեսել։
