28.06.2026 | 18:55
Վթարված մեքենայում հայտնաբերվել է նախկին նախարար Գագիկ Ստամբուլցյանի մարմինը
Ռուսաստանում առաջին քրգործն է հարուցվել պատերազմին մասնակցելուց հրաժարվելու համար
Քաղաքականություն
27.10.2022 | 21:06
Ռուսաստանում առաջին քրեական գործն է հարուցվել պատերազմին մասնակցելուց հրաժարվելու համար։ Ռուսական բանակում պայմանագրային հիմունքով ծառայող անձին մեղադրանք է առաջադրվել պատերազմի ժամանակ հրամանը չկատարելու համար, հայտնել է Agora իրավապաշտպան խմբի ղեկավար Պավել Չիկովը։
Չիկովը չի նշել ո՛չ ամբաստանյալի անունը, ո՛չ այն շրջանը, որտեղ նա ծառայել է, ո՛չ էլ գործի հարուցման ամսաթիվը։
ՌԴ քրեական օրենսգրքի 332 հոդվածի 2,1 մասը, որով գործ է հարուցվում զինծառայողների նկատմամբ, նախատեսում է 2-ից 3 տարվա ազատազրկում՝ պատերազմի ժամանակ հրաման չկատարելու կամ ռազմական գործողություններին մասնակցելուն հրաժարվելու համար։ Այս հոդվածը պատգամավորները քվեարկությամբ ընդունել են սեպտեմբերի 24-ին՝ ՌԴ-ում մոբիլիզացիա հայտարարելուց հետո։
Այս գործով մեղադրյալ դարձած զինվորականը հրաժարվել է ռազմաճակատ մեկնելուց, պարզաբանում է Չիկովը։ Իրավապաշտպանը հայտնել է նաև զորամասը լքելու համար մոբիլիզացված տղամարդու դեմ առաջին քրեական գործի մասին։
Ուկրաինա ներխուժման սկսվելուց հետո ռուսաստանցիներին սկսեցին ակտիվորեն հավաքագրել պայմանագրային ծառայության համար։ Որոշ պայմանագրայիններ, հայտնվելով պատերազմի դաշտում, հաղորդումներ են ներկայացրել ռազմական գործողություններին մասնակցելուց հրաժարվելու մասին, ինչի պատճառով բախվել են սպառնալիքների և բռնությունների:
Տաթև Ֆռանգյան
