09.10.2026 | 11:42
Լոռիում քննարկվել է ԱԲ-ի կիրառումը հաշմանդամություն ունեցող անձանց իրավունքների պաշտպանության համար
Սի Ցզինպինը կոչ է արել ԱՄՆ-ին ընդլայնել համագործակցությունը
Քաղաքականություն
27.10.2022 | 17:59
Չինաստանի նախագահ Սի Ցզինպինը կոչ է արել ԱՄՆ-ին ընդլայնել համագործակցությունը, գրում է DW-ի ռուսական ծառայությունը։
«Աշխարհում խաղաղություն ապահովելու համար երկու երկրները պետք է ուղիներ գտնեն միմյանց հետ հաշտվելու։ Աշխարհն այսօր ո՛չ խաղաղ է, ո՛չ հանգիստ։ Միացյալ Նահանգները և Չինաստանը պետք է միասին աշխատեն՝ խթանելու միջազգային կայունությունը»,- ասել է Չինաստանի ղեկավարը։
Սի Ցզինպինի խոսքով՝ «Չինաստանի և Միացյալ Նահանգների՝ որպես համաշխարհային տերությունների միջև կապի և համագործակցության աճը կօգնի բարձրացնել գլոբալ կայունությունը և խթանել խաղաղությունն ու զարգացումն ամբողջ աշխարհում»:
Չինաստանի նախագահը նշել է, որ իր երկիրը պատրաստ է «համագործակցել Միացյալ Նահանգների հետ փոխադարձ հարգանքի և խաղաղ գոյակցության պայմաններում՝ փնտրելով ուղիներ, որոնք թույլ կտան երկու երկրներին լավ հարաբերություններ հաստատել նոր դարաշրջանում»։
Սա օգուտ կտա ոչ միայն ԱՄՆ-ին և Չինաստանին, այլև ամբողջ աշխարհին, ընդգծել է նա։
Տաթև Ֆռանգյան
