Քաղաքականություն
27.10.2022 | 16:01
Մեծ Բրիտանիայի նոր վարչապետ Ռիշի Սունակը Համայնքների պալատում, որպես կառավարության նոր ղեկավար, դիմել է ընդդիմությանը: Կառավարության ղեկավարի փոփոխության հաջորդ օրը Լեյբորիստական կուսակցության առաջնորդ Սայրուս Սթարմերը պահանջել է արտահերթ խորհրդարանական ընտրություններ անցկացնել։ Նա վրդովված հայտարարել է, որ Սունակի մրցակիցների՝ պայքարից հրաժարվելու պատճառով կառավարության ճակատագիրը որոշել է պահպանողականների միայն մեկ հանձնաժողովը, գրում է Euronews-ը։
«Անգամ նրա կուսակիցները գիտեն, որ նա չի ներկայացնում բոլորին։ Ահա թե ինչու նա միակ անգամ, երբ մասնակցել է մրցակցային ընտրություններին, պարտություն է կրել նախկին վարչապետից։ Ինչո՞ւ աշխատողներին հնարավորություն չտալ արտահայտելու իրենց կարծիքը, ինչո՞ւ չնշանակել համընդհանուր ընտրություններ»,- ասել է նա։
Ի պատասխան՝ Ռիշի Սունակն ասել է, որ օգտվում է մանդատից, որն իր կուսակցությունը ստացել է 2019 թվականի ընտրություններում հաղթելու արդյունքում։
«Մեր մանդատը հիմնված է այն մանիֆեստի վրա, որոնց շնորհիվ մենք ընտրվել ենք։ Հիշեցնեմ, որ ընտրություններն արդեն անցել են, որոնց արդյունքում մենք հաղթեցինք, իսկ նրանք պարտվեցին»,- ասել է նա։
Ռիշի Սունակը որպես պահպանողականների առաջնորդ և կառավարության ղեկավար իր առաքելությունն անվանում է ընտրողների վստահության վերականգնում՝ ինչպես իր կուսակցության, այնպես էլ պետական ինստիտուտների նկատմամբ այն սկանդալներից հետո, որոնք հանգեցրել են պահպանողականների երկու կաբինետների վաղաժամ փոփոխության:
Տաթև Ֆռանգյան
